OQO-da «Memlekettik til - memlekettik qyzmette» baıqaýy ótti

ShYMKENT. QazAqparat - Elimizde tuńǵysh ret Ońtústik Qazaqstan oblysynda  ashylǵan Tilderdi damytý ortalyǵyna bıyl 20 jyl tolyp otyr. Aıtýly merekege oraı, memlekettik qyzmetkerler arasynda til mártebesin kóterýge baǵyttalǵan baıqaý uıymdastyryldy, dep habarlaıdy QazAqparat HAA tilshisi.

«Memlekettik til - memlekettik qyzmette» baıqaýyn ótkizýge Memlekettik qyzmet isteri jáne sybaılas jemqorlyqqa qarsy kúres agenttiginiń oblystyq basqarmasy muryndyq boldy. 4 kezeńnen turatyn saıysqa 7 komanda qatysty. 3 qyzmetkerden  quralǵan top músheleri  ózderin tanystyryp, ónerlerin ortaǵa saldy. Sondaı-aq  memlekettik termınderdiń durys aıtylýy boıynsha baq synap, bilimdilikterin baıqatty.  Memlekettik tildiń mártebesin arttyrý men qyzmetkerlerdiń ana tilge degen qurmetin baǵamdaý maqsatynda uıymdastyrylǵan saıystyń jeńimpazdary  arnaıy syılyqtarmen marapattaldy.

Aıta keteıik,  Oblystyq tilderdi oqytý ortalyǵynda bir jylda myńnan astam azamat til úırený kýrstarynan ótken. Sala mamandary 20 jylda jetken jetistikterin saralap,  aldaǵy ýaqytta óńirdiń bilikti ǵalymdarymen ǵylymı-tájirıbelik konferentsııa ótkizýdi josparlap otyr.