OQO-da memlekettik qyzmetshiler kúnine arnalǵan fleshmob ótti

ASTANA. QazAqparat - Búgin Ońtústik Qazaqstanda 23 maýsym - «Memlekettik qyzmetshi kúnine» oraı kásibı mereke atalyp ótip, osy salada qyzmet etetin qyzmetshiler men atalǵan qyzmetke úmitker jastardan quralǵan top, jalpy sany 130 jas fleshmob uıymdastyrdy, dep habarlaıdy ákimniń baspasóz qyzmeti.

Ońtústik Qazaqstan oblysy ákimdigi men QR Memlekettik qyzmet isteri jáne sybaılas jemqorlyqqa qarsy is-qımyl Agenttiginiń OQO boıynsha departamentiniń uıytqy bolýymen ótken sharada «EKSPO-2017» kórmesine arnalǵan «Elimizdiń bolashaq energııasy - memlekettik qyzmetshi» atty teatrlandyrylǵan-horeografııalyq kórinis, «Qazaqstan halqynyń birligi» horeografııalyq kompozıtsııasy jáne basty merekege arnalǵan Baqytjan Mustafaevtyń «Memlekettik qyzmetker» ánine qoıylǵan aplıkatsııalyq qoıylym kórsetildi.
 

Jalpy memlekettik qyzmettiń mansaptyq modeliniń tıimdiligi ushan-teńiz. Buǵan deıin bir mekemeniń basshysy aýyssa, onda jumys isteıtin qyzmetkerlerdiń teń jartysy jumystan bosap qalatyn edi. Áriptester jańa kelgendermen túsinisip úlgergenshe jumys aqsaı túsetin. Basshynyń aýysýy sebepti kadrlar da aýysyp, osynyń saldarynan ónimdilik azaıyp, nátıje tómen bolatyn edi. Endi Elbasynyń tapsyrmasyna sáıkes, mapsaptyq model engizilgennen keıin komandalyq aýysý joıylyp keledi. Aldyńǵy jyldarmen salystyrǵanda ótken jyly aýysý tártibimen taǵaıyndaý kórsetkishi 58 esege azaıǵany sonyń dáleli.
 

Mansaptyq model boıynsha ótken jyly oblysta 402 memlekettik qyzmetshi joǵary laýazymǵa taǵaıyndalyp, bul kórsetkish 12 paıyzǵa artqan. Al attestattaý aıasynda oblys boıynsha 8700 memlekettik ákimshilik qyzmetshiniń 6843-i keshendi attestattaýdan ótse, sonyń 1766-sy óte jaqsy, 4482-si tıimdi degen baǵa alǵan.

Aıta ketý kerek, aımaqtaǵy memlekettik qyzmetshilerdiń 15 paıyzyn jastar quraıdy.