OQO-da memlekettik baǵdarlamalar baspana máselesin sheshýde

ShYMKENT. QazAqparat - Ońtústik Qazaqstan oblysynda «Nurly jol» jáne «Nurly jer» baǵdarlamalary el ıgiligine jarap, baspana máselesin sheshýde. Onyń aıasynda Shardara aýdanynda birneshe turǵyn úıler salynýda, dep habarlaıdy QazAqparat HAA tilshisi.

Oblys ortalyǵynan shalǵaı ornalasqan Shardara aýdanynda baspana máselesi ózekti sanalady.  Problemany sheshý maqsatynda Sútkent pen Egizqum, Dostyq aýyldarynda jańadan 9 úıdiń qurylysy júrgizilip jatyr. Taǵy da birneshe úıdiń jobasy jasalynýda. Bul baspanalar áleýmettik az qamtamasyz etilgen otbasy men jas mamandarǵa berilmek.  

«Osy úılerdiń qurylysyn 2016-jyldyń qarasha aıynda bastadyq. Sodan biz byltyrǵy smetada kórsetilgen qarajatty tolyq ıgerdik. Endi bıylǵy jyly qalǵan jumystardy osy sáýir aıynda bitiremiz dep otyrmyz», - deıdi qurylys kompanııasynyń ókili Abaı Ahaıbekov.

Qurylysshynyń sózinshe otandyq ónim qoldaýdy qajetsinedi. Sondyqtan baspana turǵyzýǵa negizinen elimizden  shyǵarylatyn materıaldar paıdalanylýda. Munymen qosa, baǵdarlama aıasynda 12 jergilikti turǵyn jumysqa tartylypty.

«Biz bıyl Alataý batyr, odan keıin Kóksý aýyldyq okrýgterinen de on úıden salýǵa sáýlettik josparlaý tapsyrmasyn jasap jatyrmyz. Sonyń jobalyq-smetalyq qujattaryn ázirletsek, kelesi jyly ol baspanalardyń qurylysyn júrgizetin bolamyz. Osy ár jyl saıyn osyndaı aýyldardan 3 úıden, 10 úıden qoıyp shyqsaq, biz búkil aýyldy bir rette qamtamasyz etip shyǵa alamyz osy úımen»,- deıdi Shardara aýdandyq sáýlet jáne qurylys bólimi basshysynyń mindetin ýaqytsha atqarýshy Nurǵalı Myrzahmetov.