OQO-da memqyzmetkerler qujattardy elektrondyq túrde alýǵa kiristi

ShYMKENT. QazAqparat -  Ońtústik Qazaqstan oblysynda memlekettik qyzmetkerler halyqqa qyzmet kórsetý ortalyqtaryna barmaıtyn boldy. Olar e-gov portaly arqyly kórsetiletin qyzmetterdi elektrondy túrde alýǵa kiristi, dep habarlaıdy QazAqparat tilshisi.

Bul shara Elbasynyń bıylǵy jylǵy halyqqa arnaǵan «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Joldaýy aıasynda qolǵa alynyp otyr. Joldaýda  memlekettik qyzmet kórsetýdi ońtaılandyrý boıynsha jańa mindetter qoıylǵany belgili.

 Bul turǵyda oblys ákimi Janseıit Túımebaev «Ákimdik janyndaǵy sybaılas jemqorlyqqa qarsy kúres máseleleri jónindegi komıssııa» otyrysynda barlyq memlekettik organ basshylary óz qaramaǵyndaǵy jáne baǵynysty mekemelerdegi qyzmetkerlerdiń qujattardy elektrondy túrde alýyn qamtamasyz etýdi tapsyrǵan bolatyn. Osydan keıin óńirdegi Memlekettik qyzmet isteri jáne sybaılas jemqorlyqqa qarsy is-qımyl departamenti oblystyq memlekettik qyzmetshilerdi qaıta daıarlaý jáne olardyń biliktiligin arttyrý óńirlik ortalyǵynda aýdan-qala ákimi apparaty jáne    oblystyq jáne aýmaqtyq basqarma, quqyq qorǵaý organdarynyń memlekettik qyzmet kórsetýge jaýapty qyzmetkerleri úshin arnaıy 3 kezeńde elektrondyq túrde qyzmet alý daǵdylaryna úıretý boıynsha sheberlik sabaǵyn ótkizdi. Onda  árbir qatysýshy ózimen birge ákelgen  ETsQ-men e-gov portalyna kirip, elektrondy  qyzmet alýdy praktıkalyq túrde úırenip, daǵdylaný jumystaryn júrgizdi. Oqýdan ótken azamattardyń barlyǵy óz aýdandaryndaǵy  jáne mekemelerindegi áriptesterin elektrondyq portalmen jumys jasaýǵa úıretýge jaýapty bolmaq.