OQO-da memqyzmetke ornalasýǵa úmitkerlerdiń sany edáýir artty

ShYMKENT. QazAqparat - Memlekettik qyzmet isteri jáne sybaılas jemqorlyqqa qarsy is-qımyl agenttiginiń Ońtústik Qazaqstan oblysy boıynsha departamentinde bos laýazymdarǵa ornalasýǵa úmitkerlerdiń sany edáýir artty. Bul  memlekettik qyzmetshilerge jalaqy tóleýdiń jańa júıesin pılottyq joba retinde engizýmen tikeleı baılanysty, dep habarlaıdy OQO ákiminiń baspasóz qyzmeti.

Ótken jylmen salystyrǵanda bul kórsetkish 3 esege artty. Jeti bos orynǵa ornalasý úshin 138 úmitker ótinish bildirgen.  Orta eseppen, bir orynǵa 19 úmitkerden keledi. Al, 2017 jyly bir laýazymǵa úmitkerler sany 6 ese tómen bolatyn.

Ult josparynyń 5-6 qadamyn iske asyrý sheńberinde, jańa júıe pılottyq rejimde 2018 jyldyń qańtar aıynan bastap Ońtústik Qazaqstan oblysynan bólek, Astana qalasy ákimdiginde, Mańǵystaý oblysy ákimdiginde, Ádilet mınıstrliginde jáne Memlekettik qyzmet isteri jáne sybaılas jemqorlyqqa qarsy is-qımyl agenttiginde iske asyrylýda.

Jańa júıeniń basty ereksheligi - qyzmetshige júktelgen mindetter men onyń nátıjeliliginiń eskerilýinde. ıAǵnı, memlekettik qyzmetshiniń eńbekaqysy eki bólikten quralyp otyr. Ol faktorlyq-balldyq shkala negizindegi kepildi laýazymdyq jalaqy jáne bonýstyq tólemder.

Faktorlyq-balldyq shkala eńbekaqy ádildigin qamtamasyz ete otyryp, aımaqtar men ortalyqtaǵy memlekettik qyzmetshiler eńbekaqysynyń teńgerimsizdigin joıyp qana qoımaı, sonymen birge memlekettik qurylymdardyń tartymdylyǵy men ımıdjin arttyrary sózsiz.

Memlekettik qyzmet tartymdylyǵynyń artqandyǵy Ońtústik óńirde ǵana emes, búkil respýblıka aýmaǵynda baıqalady.

Muny Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaev Facebook paraqshasynda rastady. Onyń aıtýynsha, jyl basynan beri agenttiktiń aýmaqtyq departamentterindegi 85 bos laýazymǵa ornalasýǵa 510 ótinim berilgen. Orta eseppen, bir laýazymǵa 6 úmitkerden keledi. Al, ótken jyldaǵy barlyq úmitkerlerdiń ortasha sany bir orynǵa 2 úmitkerden kelgen. ıAǵnı,  446 bos orynǵa - 804 ótinish.

Jańa júıe qyzmetkerlerdiń birinshi basshymen qarym-qatynas ornatýyna emes, kompanııa aldynda turǵan naqty maqsattarǵa qol jetkizýde birigýine septigin tıgizetinin aıtqan  OQO-daǵy «Karlskrona LC AB» JShS-niń Bas dırektory Ý.Ahmetov kompanııaǵa naǵyz kerek júıe osy bolatynyn atap ótti.

«Bizdiń kompanııa úshin faktorlyq-balldyq shkala - josparlaý, baqylaý jáne qyzmetkerlerdi yntalandyrý fýnktsııalaryn biriktiretin basqarý quraldarynyń eń tıimdileriniń biri. Bastapqyda bul júıeni qolaısyz dep tanyǵan qyzmetkerler qazirgi tańda júıeniń artyqshylyqtaryn sezinýde», - dedi kompanııa basshysy.