OQO-da mektep bitirýshi túlektiń menıngıtten qaıtys bolǵany rastaldy
12:47, 19 Maýsym 2018
ShYMKENT. QazAqparat - Ońtústik Qazaqstan oblysynda mektep bitirýshi túlektiń menıngıtten qaıtys bolǵany rastaldy. Bul týraly elimizdiń Densaýlyq saqtaý mınıstrliginiń resmı saıtynda jarııa etildi, dep habarlaıdy QazAqparat tilshisi.
«Ońtústik Qazaqstan oblysynda 15 maýsymda qaıtys bolǵan adamnyń menıngıt ınfektsııasy kúdiktelgen dıagnozy zerthanalyq turǵyda rastaldy» delingen mınıstrliktiń habarlamasynda.
Densaýlyq saqtaý mınıstrliginiń málimetinshe, elimizde 2018 jyldyń basynan bastap menıngokokk juqpasyna qatysty 62 oqıǵa tirkeldi, onyń ishinde statsıonarlyq emdeýde 7 adam, 42 adam shyǵarylǵan jáne 13 jaǵdaıda ólimmen aıaqtalǵan. Almaty qalasynda - 6 fakti, Almaty oblysynda - 3, Ońtústik Qazaqstan oblysynda - 3 jáne Qyzylorda oblysynda - 1 oqıǵa tirkelgen.