OQO-da mal urylaryn ustaýǵa kómektesken aýyl turǵyndary marapattaldy

ShYMKENT. QazAqparat -  Ońtústik Qazaqstan oblysy, Arys aýdanynda mal urylaryn ustaýǵa kómektesken aýyl turǵyndary marapattaldy. Aýdandyq ishki ister basqarmasynyń  bastyǵy  Nurlan Isabekov  qylmysty ashýǵa kómekteskenderge saltanatty túrde alǵys hat pen baǵaly syılyqtar tabystady, dep habarlaıdy QazAqparat tilshisi.

Aıta keteıik, jeltoqsan aıynda polıtsııa bólimine túngi ýaqytta Qojatoǵaı aýylynda turatyn turǵynnyń aýlasynan qoıdyń urlanǵany jaıly habarlama kelip túsken. Oqıǵa ornyna barǵan tártip saqshylary úı ıesiniń qorasynan quny 100 myń teńge turatyn 4 qoıyn urlap ketkenin anyqtaǵan.
Bul qylmysty ashýǵa  jergilikti turǵyndar Dúısenbek Qońyrbaev pen Aqylbek Álimbekov kómektesken. Olar tek kóliktiń belgilerin ǵana aıtyp qoımaı, qylmyskerlerdiń jasyrynǵan jerin de kórsetip beripti.
Polıtseıler jedel-izdestirý is-sharasyn júrgizý barysynda qoı urlaýǵa qatysy bar úsh kúdiktini qolǵa túsirdi. Barymtashylardyń 7 mal urlyǵyna qatysy bary anyqtaldy. Olardyń ústinen Qylmystyq kodekstiń  «Urlyq» babymen is qozǵalyp, sotqa deıingi tergeý amaldary júrgizilýde.