OQO-da mádenıet salasynyń 49 qyzmetkeri medaldarmen marapattaldy
Basqosýda oblys ákimi óner azamattaryn kásibı merekemen quttyqtap, óńirdiń rýhanı damýy men mádenı gúldenýine aıtýly úles qosyp júrgenderi úshin alǵysyn bildirdi.
«Elbasymyz Nursultan Ábishuly Nazarbaev táýelsiz elimizde mádenıettiń, ulttyq ónerimiz ben salt-dástúrlerimizdiń ósip-órkendeýine, ótkenin jańǵyrta otyryp jańasha baǵytta jumys jasaýǵa erekshe mán berip, únemi nazarda ustap kele jatqany barshamyzǵa aıan. Elimizdiń bolashaǵy jeke tulǵanyń mádenıettiligine baılanysty. Jeke tulǵa men qoǵamnyń saıası, eńbek, qarym-qatynas mádenıetin qalyptastyratyn arnaıy mekemeler men áleýmettik orta. Sol mekemelerdiń biri mádenıet oshaqtary bolsa, adamdy rýhanı azyqqa bóleıtin mádenıet pen óner qyzmetkerleri», - dedi Janseıit Túımebaev.
«Mádenı qyzmet -mereıli mindet» taqyrybynda ótken merekelik keshte oblys mádenıetiniń damýyna súbeli úles qosqan 49 óner qyzmetkeri «Oblysqa sińirgen eńbegi úshin» medalimen, oblys ákiminiń Qurmet gramotasymen jáne Alǵys hatymen, oblys ákiminiń arnaıy syılyǵy, oblystyq máslıhat gramotasy, «Nur Otan» partııasy oblystyq fılıaly alǵys hatymen marapattaldy.
Budan bólek, shara barysynda zııaly qaýym qkilderi men óner adamdary Elbasynyń «Bolashaqqa baǵdar: rýhanı jańǵyrý» baǵdarlamalyq maqalasynyń óńirde júzege asyrylýy jaıynda óz oılaryn aıtyp, mádenıet salasynyń damýy baǵytynda usynystaryn jetkizdi.
Aıta keteıik, búginde oblystaǵy mádenıet salasynda 5 myńǵa jýyq qyzmetker abyroıly jumys atqaryp keledi. Al halyqqa 736 mádenıet jáne óner mekemeleri qyzmet etýde. Atalǵan uıymdardyń qatysýymen ótken jyly 31 myńnan asa is-sharalar ótkizildi. Іs-sharalar negizinen «EKSPO-2017» halyqaralyq mamandandyrylǵan kórmesi, «Túrkistan - Túrki áleminiń mádenı astanasy» jyly jáne Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda uıymdastyryldy.
Sonymen qatar, «Rýhanı jańǵyrý» baǵdarlamalyq maqalasyndaǵy «Jahandyq zamanaýı Qazaqstandyq mádenıet» baǵyty boıynsha oblysymyzdyń mádenıeti men ónerin shetelderge tanystyrý maqsatynda osy jyly Sh.Qaldaıaqov atyndaǵy oblystyq fılarmonııanyń ánshileri men «Qazyna» bı ansambli Túrkııa Respýblıkasyndaǵy «Kastamoný - Túrki áleminiń mádenı astanasy» jylynyń ashylý saltanatyna jáne halyqaralyq Naýryz merekesine qatysyp, 6 memlekette óner kórsetti. Sonymen birge, oblysymyzdyń ónerpazdary Fınlıandııada ótken «Jumbaq Jibek joly» halyqaralyq festıvaline qatysty. Al Italııanyń Pezaro qalasynda ótken XV «Chıtta dı Pezoro» halyqaralyq vokalıster baıqaýynda jas ónerpazdarymyz Karına Najmeddınova jáne Nurqanat Tapıvter І orynǵa ıe bolyp, Italııada 1 jyl tegin oqýǵa shaqyrtý aldy.