OQO-da «Kókjaldar» fılminiń tusaýy kesildi
Oblystyq mədenıet basqarmasy men Ońtústik Qazaqstan memlekettik ýnıversıtetiniń uıymdastyrýymen ótken sharada tolyqmetrajdy fılm týraly keńinen aıtyldy. Elbasy Nursultan Nazarbaevtyń «Bolashaqqa baǵdar: rýhanı jańǵyrý» maqalasynda kórsetilgen tarıhty bilý jəne tekti taný, ulttyq kodty tabý məselesi osy týyndynyń ózekti arqaýyna aınalǵan.
Fılmniń basty maqsaty da ańyz-əńgimelerge súıene otyryp, kókbórige telinetin qazaq bolmysyn sıpattaý bolyp tabylady. Sonymen qatar qasqyrdyń tekti minezin negizge ala otyryp, ulttyń boıynda joǵalyp bara jatqan asyl qasıetter men adamı qundylyqtardy jas urpaqtyń sanasyna sińirý, namysyn oıatý, rýhyn kóterý ekeni sóz boldy.
Aıta keteıik, fılm ańshynyń qasqyrdyń arlanyn atyp alý sətinen bastaý alady. Tiri qalǵan ekinshi bóriniń kek alý jolynda ańshynyń úsh aılyq balasyn urlap ketýi jəne asyrap, ósirýimen jalǵasyn tabady. Aqsý-Jabaǵyly qoryǵynda túsirilgen fılmde qasqyrlarmen birge júrgen adam tektes maqulyqty ustaý sátteri de kórinis tapqan. Basty rólderdi Jandos Isaev, Erjan Jarylqasynov, Araı Ómirova somdaıdy. Al, stsenarııin Ramazan Qurmanbaev pen Erkin Raqyshev jazǵan. Kınony alǵashqy ret ońtústiktegi kórermender tamashalasa, aldaǵy kezde onyń kórsetilimi Almaty, Astana, Pavlodar, Semeı, Óskemen, Aqtaý, Atyraý, Taraz qalalarynda da ótedi dep josparlanyp otyr.