OQO-da kóktemgi sý tasqynyna baılanysty komandalyq-shtabtyq oqý-jattyǵýy bastaldy

ShYMKENT. QazAqparat  - Elimizdiń aýmaǵynda kóktem kezeńinde bolýy múmkin iri sý tasqynyna baılanysty «Kóktem-2018» respýblıkalyq komandalyq-shtabtyq oqý-jattyǵý bastaldy. Bul kúni Ońtústistik Qazaqstan oblysynda qutqarýshylar kóktem kezeńinde bolýy múmkin tótenshe jaǵdaılardyń zardaptaryn joıý barysyndaǵy daıyndyqtaryn pysyqtady, dep habarlaıdy  QazAqparat tilshisi.

Óńirde qurylǵan avarııalyq-qutqarý qyzmetteriniń jáne bólimsheleriniń qyzmetkerleri jattyǵýǵa qatysyp, materıaldyq-tehnıkalyq bazasynyń jaǵdaıyn tekserdi.  Oqý-jattyǵýǵa barlyǵy 20 tehnıka, 6 motopompa jáne jeke quramnyń 167  adamy  jumyldyryldy. Daıyndyq sharalary  jeke quramdy jaýyngerlik kóterýden, olardyń daıyndyǵyn tekserýden bastaldy. Ári qaraı TJ departamentiniń Daǵdarys ortalyǵynda shtabtyń jumysy uıymdastyryldy, onyń jumysyna Azamattyq qorǵaýdyń barlyq oblystyq qyzmetteri jumyldyryldy.

Oqý-jattyǵýdyń aldyn ala daıyndalǵan stsenarıi  boıynsha biryńǵaı kezekshilik-dıspetcherlik qyzmetine qala turǵynynan Ál-Farabı aýdanyndaǵy Toqaev kóshesinde ornalasqan turǵyn úılerdi sý basqandyǵy týraly habar kelip túsedi.

OQO TJD jedel kezekshisiniń dabyly boıynsha oqıǵa ornyna Órt sóndirý jáne avarııalyq-qutqarý jumystary qyzmetiniń, jedel-qutqarý jasaǵynyń jeke quramy, ózara áreket etý jospary boıynsha Abaı aýdanynyń Іshki ister basqaramasynyń mamandary, Shymkent qalalyq azamattyq qorǵaý qyzmetteri, «Medıtsına apattar ortalyǵy» Ońtústik Qazaqstan boıynsha fılıaly, №6506 áskerı bólimi, «ıÝgdorservıs», «LTD Turmys» JShS shaqyryldy.

Sondaı-aq «LTD Turmys» JShS jeke quramy arnaıy ınjenerlik tehnıkasynyń kómegimen ótý múmkindigin arttyrý úshin kanaldyń arnasyn tazalaý jáne tereńdetý jumystaryn júzege asyrdy. «ıÝgdorservıs» JShS-niń qyzmetkerleri  qum salynǵan qapshyqtardy jetkizýdi qamtamasyz etti.

Órt sóndirý qyzmetiniń tehnıkasy men jeke quramy sý basýdy oqshaýlaý jáne joıý boıynsha is-qımyldardy pysyqtady. Jedel-qutqarý jasaǵy arnaıy jabdyqtardy qoldana otyryp, ózenniń sol jaq jaǵalaýynan zardap shekken adamdardy evakýatsııalady. Jedel járdem kórsetý brıgadasy olarǵa alǵashqy medıtsınalyq kómek kórsetti. Avarııalyq-qutqarý jáne basqa kezek kúttirmeıtin jumystarǵa basshylyq jasaý úshin komandalyq-shtabtyq mashına tartyldy. Osylaısha jattyǵýǵa tartylǵan barlyq oblystyq qyzmetterdiń kúshi men quraldary naqty jáne úılesimdi is-áreketterimen kez-kelgen tótenshe jaǵdaılarǵa daıyn ekendigin kórsete bildi.