OQO-da Qazaq-Túrik forýmy aıasynda otandyq taýar óndirýshiler kórmesi ótti
Sharaǵa oblys ákimi Janseıit Túımebaev, salaǵa jaýapty jetekshiler men túrik delegatsııasynyń quramyndaǵy 200-ge jýyq kásipkerler jáne otandyq bıznesmender, sonymen birge, óńirimizge arnaıy issaparmen kelgen Májilis depýtattary Baqtyqoja Іzmuhambetov, Ersultan Bekturǵanov, Fahrıddın Qarataev, Káribaı Musyrman, Qudaıbergen Erjan, Muhtar Erman jáne Janat Jarasovtar qatysty.
Sharanyń ashylý saltanatynda qurmetti qonaqtarǵa alǵysyn bildirgen aımaq basshysy J.Túımebaev búgingi túrik kásipkerleri úshin usynylyp otyrǵan otandyq taýarlar men jobalar kórmesiniń eki jaqqa da tıimdi alań bolaryna senim bildirdi.
Potentsıaldy túrik kásipkerlerine óńirdiń ınvestıtsııalyq ahýaly men ónerkásip kásiporyndarynyń ónimderin tanystyrýdy, sol arqyly ózara tıimdi seriktestikti ornatyp, nyǵaıtýǵa múmkindik jasaýdy maqsat tutqan kórmede otandyq kompanııalardyń tamaq ónerkásibi, farmatsevtıka, medıtsınalyq jabdyqtar óndirisi, qurylys materıaldaryn óndirý (rezına men plastıkalyq ónimderi, keramıka jáne t.b.), mashına jasaý, jıhaz, jeńil ónerkásip (kilem, arnaıy kıim, balalar mekteptik forma, úıge arnalǵan toqyma buıymdary, erlerge, áıelderge jáne balalarǵa arnalǵan kıimder, shulyq buıymdar men aıaq-kıim) salalaryndaǵy ónimder usynyldy. Aıta ketý kerek, munda qoıylǵan ónimderdiń basym bóligi Qazaqstannyń ındýstrııalandyrý baǵdarlamasy sheńberinde iske qosylǵan kásiporyndarynda óndiriledi.
Al usynylǵan 20-dan astam ınvestıtsııalyq jobalar logıstıka jáne kólik, ónerkásip jáne aýyl sharýashylyǵy, energetıka, mádenıet jáne týrızm salalaryna qatysty boldy.
Úsh kúndik forým aıasynda túrik kásipkerlerimen V2V kezdesýleri uıymdastyrylady dep kútýde. Onda Túrkııa men Qazaqstan taraptary mańyzdy máselelerdi kóterip, birqatar jobalar boıynsha pikir almasatyn bolady. 11 sektordan turatyn V2V kezdesýlerde azyq-túlik, toqyma, hımııa ónerkásibi, medıtsına jáne farmatsevtıka, aýyl sharýashylyǵy, energetıka, týrızm, logıstıka, qurylys ındýstrııasy, mashına jasaý jáne metallýrgııa salalary men týrızm salasynyń jetekshileri naqty jobalar aıasynda kelisimder keledi degen jospar bar.