OQO-da ımamdar eldi ysyrapshyldyqqa boı aldyrmaýǵa shaqyrdy

ShYMKENT. QazAqparat - Ońtústik Qazaqstan oblysy Otyrar aýdanynda Rýhanı kelisim kúnine oraılastyrylǵan jıyn ótti. Sharada Elbasynyń «Rýhanı jańǵyrý» maqalasynda kórsetilgen basymdyqtar jaıy keńinen aıtyldy, dep habarlaıdy QazAqparat tilshisi.

Basqosýda sóz alǵandar baǵdarlamalyq maqaladaǵy kóterilgen latyn qarpine kóshý, «100 kitap», «100 jańa esim», «Pragmatızm» máselelerine keńinen toqtaldy. Ulttyq qundylyqtardy jan-jaqty nasıhattaýdyń mańyzdylyǵy arnaıy baıandamada qamtyldy. Al, aýdannyń bas ımamy Serik Beıimbetov Ult Kóshbasshysy aıtqan ysyrapshyldyqqa, dańǵoılyq pen maqtangershilikke jol bermeý tóńireginde ulaǵatty ýaǵyzyn aıtty.

Sonymen qatar, aýdannyń rýhanı basshysy dinaralyq túsinistik pen tatýlyq bolǵan jerde ǵana beıbitshilik, bereke saltanat quratynyn naqty mysaldarmen jetkizdi. Jurtty Elbasynyń syndarly saıasatyn qoldaýǵa shaqyrdy.

Shara sońynda elimizdegi ultaralyq tatýlyq pen dinaralyq túsinistikti qalyptastyrýda eńbek sińirip júrgen bir top azamatqa Alǵys bildirildi. Solardyń birqataryna arnaıy Dıplom men baǵaly syılyqtar tabys etildi. Bolashaqta el múddesi jolynda aıanbaı eńbek etetinderine senim bildirildi. Rýhanı kelisim kúni - ulttyq qasıetterdi saqtaı otyryp, bir arnaǵa uıysýdy nasıhattaıtyn uly kún ekeni erekshe aıtyldy.