OQO-da «Halyq zańgeri» áleýmettik aktsııasy ótti

ShYMKENT. QazAqparat - Ońtústik Qazaqstan oblysynda «Halyq zańgeri» áleýmettik aktsııasy ótti. Shymkenttegi Ortalyq saıabaqqa jınalǵan sala mamandary turǵyndardyń túıitkildi máselelerin sheshý úshin tegin keńes berdi, dep habarlaıdy QazAqparat HAA tilshisi.

Halyqtyń quqyqtyq saýattylyǵy men mádenıetin kóterý maqsatynda uıymdastyrylǵan shara oblys ákimdiginiń bastamasymen ótkizildi. Statıstıkalyq málimetterge súıensek, ońtústik óńiriniń halqy aryz-shaǵym berýden respýblıka boıynsha ekinshi orynda tur eken. ıAǵnı, orta eseppen alǵanda quzyrly organdarǵa  kúnine 200-ge jýyq aryz kelip túsedi. Sońǵy bes jyl kóleminde mundaı hattardyń úlesi 15%-ǵa artqan.

Tapsyrylǵan shaǵymdarǵa saraptama jasaǵan mamandar turǵyndardyń quqyqtyq saýattylyǵy tómen ekenin aıtady. Osy olqylyqtyń ornyn toltyrý úshin atalǵan aktsııaǵa birneshe basqarma men prokýratýra qyzmetkerleri, jeke zańgerler qatysyp, quqyqtyq keńes berdi.

Al, jurttyń suraǵan máseleleriniń basym kópshiligi zeınetaqy, alıment, turǵyn-úı kommýnaldyq sharýashylyǵy men múlikke baılanysty bolyp keldi. Aktsııa barysynda sala mamandary azamattarǵa shaǵymdaný tártibin, óz quqyǵyn bilýdi úıretti. Igi shara aldaǵy ýaqytta toqsan saıyn uıymdastyrylmaq.