OQO-da búgin 4278 túlek UBT tapsyrdy

 ASTANA. QazAqparat - Búgin Ońtústik Qazaqstan oblysynda alǵashqy Ulttyq biryńǵaı testileýden  Shymkent qalasy men Saıram, Maqtaral, Saryaǵash, Sozaq, Túlkibas, Bəıdibek, Qazyǵurt aýdandarynyń túlekteri tapsyrdy, dep habarlaıdy óńir basshysynyń baspasóz qyzmeti.

Ońtústik Qazaqstan oblysynda 32964 túlek oqýyn aıaqtasa, onyń 21668-i joǵary oqý ornyna túsý úshin synaq tapsyrýǵa nıet bildirgen. ıAǵnı,78,2 paıyzy UBT tapsyrýǵa ótinish bergen. Osynyń ishinde búgin 4278 túlek synaq tapsyryp otyr. UBT 20-27 maýsym aralyǵynda 4 lekte ótkiziletin bolady.

Bıyl túlekter jańartylǵan formatta synaq tapsyrýda. Oqýshylar 5 pán boıynsha 120 suraqqa jaýap berýi tıis. Olardyń ishinde 3 negizgi pán bolsa, taǵy ekeýin oqýshynyń ózi tańdaýǵa quqyly.

Jalpy oblystaǵy 16 Ulttyq biryńǵaı testileý pýnkteri barlyq talaptarǵa saı jabdyqtalǵan. Olardyń tórteýi joǵary oqý oryndarynyń bazasynda bolsa,  úsheýi aýdan ortalyqtaryndaǵy kolledj bazasynda, al toǵyzy jalpy orta mektepterinde ornalasqan.

Árbir Ulttyq biryńǵaı testileý ótkizý pýnktterinde 10-14  aýdıtorııa daıarlanǵan, testileý pýnktteri 222 uıaly telefon sıgnaldaryn tunshyqtyrǵyshtarmen jabdyqtalǵan. Bıylǵy jyly mınıstrliktiń tapsyrmasyna sáıkes 126 jańa úlgidegi 4G jıiliktegi tunshyqtyrǵyshtar satyp alyndy.

 Sonymen qatar, testileý pýnktterinde 25 ramaly metalizdegishter, 207 salqyndatqyshtar, testileý kezinde beınejazba júrgizý maqsatynda 70 beınetirkegishter ornalastyrylǵan.