OQO-da bıyl Nurly jol» baǵdarlamasymen 66 turǵyn úı paıdalanýǵa beriledi

ShYMKENT. QazAqparat - Ońtústik Qazaqstan oblysynda bıyl «Nurly jol» baǵdarlamasymen 66 turǵyn úı paıdalanýǵa beriledi. Bul týraly Óńirlik kommýnıkatsııa qyzmetinde ótken brıfıngte «Qazaqstannyń turǵyn úı qurylys jınaq banki» AQ OQO-ǵy fılıalynyń dırektory Qasymbek Málikov málim etti. Onyń aıtýynsha, oblysta memlekettik «Nurly jol» baǵdarlamasy eki baǵyt boıynsha júzege asyrylyp otyr , dep habarlaıdy QazAqparat HAA tilshisi.

Birinshisi - jergilikti ákimdik arqyly salynatyn úıler bolsa, ekinshisi - «Báıterek Development» aktsıonerlik qoǵamy arqyly salynatyn turǵyn úıler.

«Máselen, osy jyly ákimdik arqyly jalpy aýmaǵy 31,6 myń sharshy metr bolatyn 558 páterlik kópqabatty 11  úı tapsyrylady. Al «Báıterek Development» aktsıonerlik qoǵamy boıynsha 180 myńnan astam sharshy metr  bolatyn baspana tapsyrylmaq. Ol 3086 páterlik 55 úı. Osylaısha, 2018 jylǵa deıin «Nurly jol» baǵdarlamasy boıynsha bank jelisimen oblysta 226,2 myńnan astam sharshy metr turǵyn úı paıdalanýǵa berilmek»,-dedi Q.Málikov.

Sonymen qatar, fılıal dırektory bıyldan bastap memlekettiń barlyq turǵyn úı bastamalary «Nurly jer» baǵdarlamasy aıasynda júze asatytyn atap ótti. Atalǵan baǵdarlama 5 negizgi baǵyttar boıynsha júzege asyrylady. Sonyń ishinde  «Qazaqstannyń turǵyn úı qurylys jınaq banki»  kredıttik baspana baǵytyn júzege asyrady jáne jeke turǵyn úı qurylysyn nesıelendiredi.

Brıfıngte málim bolǵandaı, osy jyldyń 3 sáýirinen bastap banktiń Dırektorlar keńesiniń sheshimimen turǵyn úı qurylys jınaqtary shartyn jasaǵany úshin jáne sharttyq somany arttyrý úshin alynatyn komıssııa kólemi 0 teńge bolyp bekitildi.

Esterińizge sala keteıik, buryn atalmysh qyzmetter úshin alynatyn komıssııa kólemi - sharttyq somanyń jáne depozıttiń arttyrý somasynyń 0,55 paıyzyn quraǵan edi.