OQO-da bir advokatqa 6766 adam júginedi
Basqosýda aımaq basshysy Janseıit Túımebaev jańa zań jobasynyń mańyzdylyǵyna toqtalyp, maman darıarlaý máselesine mán berýdi tapsyrdy, dep habarlaıdy QazAqparat tilshisi.
Búginde óńirde 427 advokat qyzmet atqarady. ıAǵnı, bul bir advokatqa 6766 azamat júginedi degen sóz. Sondaı-aq, oblystaǵy halyq sany kóp shoǵyrlanǵan Túrkistan qalasynda bir advokatqa 13 myń azamattan kelse, Maqtaral aýdanynda bir advokatqa 20345 azamat júginedi. Oblystyq ádilet departamentiniń basshysy Orynbasar Tastanov osylaı málim etti. Onyń sózinshe, elimizde advokattardyń jetispeýshiligi baıqalady. Zań kómegin kórsetý barysynda sapanyń tómendigi men azamattardy qorǵaý mehanızminiń joqtyǵy da sezilip otyr. Osy olqylyqtardy sheshý úshin elimizde «Advokattyq qyzmet jáne zań kómegin kórsetý týraly» jańa zań jobasy ázirlenip jatyr. Atalǵan qujatta «zań keńesshileri» dep atalatyn jeke pratıkamen aınalysatyn zańgerlerdi palataǵa biriktirý máselesi kózdelip otyr. Sondaı-aq, halyqaralyq tájirıbedegi «Pro Bono» ınstıtýtyn engizý josparda bar.
«Qazaqstanda «Pro bono» júıesin engizý áleýmettik jáne qarjylyq jaǵdaıy tómen azamattarǵa óte tıimdi bolady. Ol halyqaralyq tájirıbege sáıkes keledi. Mundaı kómek taraptardyń erikti kelisimi jáne jalpy qaǵıda negizinde qaıtarymsyz túrde kórsetiledi. Sondaı-aq halyqty aqparattandyrý jáne ádiletti baǵa belgileý maqsatynda tarıftik shkala kózdelip otyr. Usynylǵan tarıfterdi eskere otyryp, azamattar zań kómeginiń orta baǵasyn anyqtaýǵa jáne habardar bolýyna bolady», - dedi Orynbasar Tastanov.
Óńirdegi zań kómegine júginetin azamattardyń kóptigi men advokat jetispeýshiligine erekshe mán bergen oblys ákimi advokattar qaýymdastyǵynyń jumysyn júıeleýdi tapsyrdy.
«Oblysta zań kómegine júginetin azamattardyń qarasy jyl sanap artyp otyr. Osy rette óńirdegi advokattar qaýymdastyǵynyń jumysyn kúsheıtý qajet. Sondaı-aq, advokattardy daıarlaý máselesine erekshe mán berýimiz kerek. Búginde advokattardyń bedeli men biliktiligi tómendep ketken. Munyń basty sebebi - advokattyq mekteptiń áli de bolsa durys qalyptaspaǵany der edim. Sondyqtan jańa zań jobasyn barshamyz biraýyzdan qoldaýymyz qajet», - dedi Janseıit Qanseıituly.
Jańa zań aıasynda advokat bolý úshin múliktik kedergiler, ıaǵnı kirý úshin alynatyn jarnalardy joıý kózdelýde. Sebebi, advokattardyń kóbi joǵary mólsherdegi kirý jarnalaryn tóleı almaıdy. Onyń kólemi elimizde 800 myń teńge bolyp bekitilgen. Jańa zańnamaǵa sáıkes, advokattardyń biliktiligin arttyrý mehanızmi qaıta qaralatyn bolady.