OQO-da Bekarys Shoıbekovtyń onlaın dárisine 67 myńnan asa oqýshy qatysty

ShYMKENT. QazAqparat - Ońtústik Qazaqstan oblysynda «Rýhanı jańǵyrý» jobalyq keńsesi men bilim basqarmasynyń uıymdastyrýymen «Ónegeli bir saǵat» onlaı rejımdegi taǵylymdyq sharasy ótti. Oblys boıynsha bir mezette ótken dáriske 1 038 mekteptiń 10-11 synyptarynan 67 260 oqýshy qamtyldy, dep habarlaıdy QazAqparat tilshisi.

Atalǵan shara aıasynda ótken dáristi «100 jańa esim» jobasyna engen QR Mádenıet qaıratkeri, memlekettik «Daryn» syılyǵynyń ıegeri jáne kópshilikke aıtysker aqyndyǵymen tanylǵan Bekarys Shoıbekov júrgizdi. Ol eń aldymen óziniń ómiri jaıly málimet berip, ul men qyz tárbıesinde ulttyq biregeılikti saqtaý jaıyn sóz etti. Sondaı-aq ulttyq qundylyqtardy nasıhattaý men ata-anamen bala qarym-qatynasyn nyǵaıtý, úlkenge qurmet, kishige izet jasaý tárbıesine basymdyq tanytýǵa baılanysty aǵalyq aqyl-keńesin aıtty.

Sonymen qatar, «Rýhanı jańǵyrý» baǵdarlamasynyń negizgi 6 basymdylyǵyn (Básekelik qabilet, Pragmatızm, Ulttyq biregeılikti saqtaý, Bilimniń saltanat qurýy, Qazaqstannyń revolıýtsııalyq emes, evolıýtsııalyq damýy, Sananyń ashyqtyǵy) oqýshylardyń boıyna sińire otyryp, patrıottyq sezimderdi oıatý, izgilikke jáne azamattyqqa baǵdarlanǵan kózqarasyn qalyptastyrýǵa baǵyttalǵan taǵylymdyq tárbıe jóninde de keńinen sóz etti.

 

«Elimizdiń ár bir jetistiginiń artynda alýan túrli taǵdyrlar tur. ıAǵnı, sol taǵdyrdy jasaýshy siz ben biz. «100 jańa esim» jobasy naqty adamdardyń taǵdyrlary men ómirbaıandary arqyly búgingi, zamanaýı Qazaqstannyń kelbeti kórinis tabady. Osyǵan oraı, Elbasy Nursultan Nazarbaev óz sózinde: «Ult maqtanyshy bizdiń burynǵy ótken batyr babalarymyz, danagóı bılerimiz ben jyraýlarymyz ǵana bolmaýǵa tıis. Men búgingi zamandastarymyzdyń jetistikteriniń tarıhyna da nazar aýdarýdy usynamyn» degeni beker emes-ti. Demek, keleshekte sýyryla sóıleıtin «sheshender» emes, ómirdiń ózinen alynǵan shynaıy oqıǵalar qalyptastyrǵan tulǵalardyń ómiri úlgi etilip, ómirge degen qushtarlyq týǵyzady»,- dedi Bekarys Shoıbekov.

 

Aqynnan dáris alǵan oqýshylardyń dúnıetanymy keńeıip, ózderiniń úlgi tutar azamattarynyń boıyndaǵy jaqsy qasıetke beıimdiligi artty. Tipten, oqýshylardyń arasynda ónerge degen qyzyǵýshylyǵy basymdary óz qabiletterin shyńdaı túsetindikterin jasyrmady.