OQO-da az qamtamasyz etilgen azamattar sany 27%-ǵa tómendedi
«Ulttyq biryńǵaı testileý qorytyndysy boıynsha oblystyń ortasha baly 77,7-ni qurady. Respýblıkadaǵy eń joǵarǵy 125 baldy jınaǵan 19 túlektiń beseýi bizdiń oblystan», - dep atap ótti ákim aldymen óńirdegi bilim júıesine toqtalyp.
B.Atamqulovtyń bergen aqparaty boıynsha, «Jumyspen qamtý 2020 jol kartasy» baǵdarlamasy aıasynda jartyjyldyqta 33 383 azamat áleýmettik qoldaý sharalarymen qamtylyp, bul respýblıkalyq kórsetkishtiń 16% qurady.
«Esepti kezeńge az qamtamasyz etilgen azamattar sany 27%-ǵa tómendedi. Jumyssyzdyq deńgeıi 5,2%, jastar arasyndaǵy jumyssyzdyq deńgeıi 3,6% qurady», - dep túıdi oıyn oblys basshysy.
Bilikti jas mamandardy memlekettik qyzmetke tartý maqsatynda oblysta joǵary oqý oryndary úzdik bitirgen túlekter arasynda irikteý júrgizilip, 50 jas mamannan turatyn «Kadrlardyń altyn rezervi» jasaqtaldy.
Jalpy joǵaryda atqarylǵan jumystardyń barlyǵy halyqtyń turmys deńgeıin arttyrý úshin jasalyp otyr.