OQO-da áýe sharlarynyń festıvali ótti
04:21, 26 Naýryz 2018
ASTANA. QazAqparat - Ońtústik Qazaqstan oblysynda halyqaralyq «Ashyq aspan» áýe sharlarynyń festıvali ótti. «Ulystyń uly kúni - Naýryz» merekesi aıasynda uıymdastyrylǵan sharaǵa elimizden bólek Reseı, Ýkraına, Qyrǵyzstan, Ózbekstan, Túrkııanyń sportshylary qatysty.
Bul týraly óńirlik ákimdiktiń baspasóz qyzmeti habarlaıdy.
Onda festıval qatysýshylary áýe sharlaryn kókte qalyqtatyp, kórermen kózaıymyna aınaldy. Sondaı-aq, tájirıbeli sportshylar áýe sharlaryn basqarý boıynsha sheberlik sabaǵyn ótkizdi.
Jıyn barysynda qalyqtaǵan 15 aerostatpen kókke kóterilý baqyty Shymkent turǵyndary men qala qonaqtaryna da buıyrdy. Festıval elimizdiń estrada juldyzy Ǵalymjan Moldanazardyń kontsertik baǵdarlamasyna ulasty.