OQO-da attestattaýdan ótpegen sheneýnikterdi jumystan bosatý jaıy qaralyp jatyr

ShYMKENT. QazAqparat -  Ońtústik Qazaqstan oblysynda  attestattaýdan ótpegen memlekettik qyzmetkerlerdi  jumystan bosatýy jaıy qaralyp jatyr. «B» korpýsy boıynsha synaqtan ótpeı qalǵan 7 sheneýnikti qyzmetinen shettetý týraly usynys joldanǵan. Bul týraly QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń OQO boıynsha departamentiniń basshysy, Ádep jónindegi keńes tóraǵasy Álı Kómekbaev málimdedi, dep habarlaıdy QazAqparat HAA tilshisi.

Departamen basshysynyń sózinshe, kezekti attestattaýdan ótpeı qalǵan 7 qyzmetkerdiń altaýy Aýylsharýashylyǵy mınıstrligine qarasty aýmaqtyq ınspektsııanyń  mamandary. Jetinshi sheneýnik oblystyq Memlekettik qyzmet isteri jónindegi departament qyzmetkeri.
 

«Ózge test tapsyrǵan  qyzmetkerlerdiń 27%-y «óte jaqsy», 69,5%-y «tıimdi», 3,3%-y «qanaǵattanarlyq», 0,2%-y «tómen» degen nátıjeni kórsetken. Jalpy, 1218 memlekettik qyzmetshige qatysty attestattaý komıssııasynyń sheshimderi qabyldandy. Nátıjesi boıynsha 51 (4,1%) memlekettik qyzmetshi laýazymynda joǵarylatýǵa usynylsa, 1142 (93,8%) qyzmetshiniń atqaratyn laýazymyna sáıkestigi aıqyndaldy, 18 (1,5%)  qyzmetshi tómendetýge usynylǵan», - dedi Álı Kómekbaev.