OQO-da alǵash ret respýblıkalyq kıno festıvali ótýde
QR Bilim jáne Ǵylym mınıstrliginiń bastamasymen Ońtústikte alǵash ret uıymdastyrylǵan sharaǵa mınıstrliktiń qosymsha bilim berýdi damytý ortalyǵynyń ókilderi men oblys ákiminiń orynbasary U.Sádibekov, elimizdiń barlyq aımaqtarynan kelgen mektep oqýshylary jáne ustazdar qatysty, dep habarlaıdy OQO ákiminiń baspasóz qyzmeti.
Elbasy Nursultan Nazarbaevtyń «Rýhanı jańǵyrý: bolashaqqa baǵdar» baǵdarlamasynyń «Tárbıe jáne Bilim» tarmaǵyndaǵy «Daryndylar eli» jobasy boıynsha iske asqan bul shara úzdik klassıkalyq jáne zamanaýı óner úlgilerin ıgerý, daryndy balalar men jastardy anyqtaý, tulǵalyq rýhanı mádenıetin qalyptastyra otyryp, jas urpaqty patrıottyqqa tárbıeleý bolyp tabylady.
Respýblıkalyq shyǵarmashylyq kıno festıvaline 600 -den asa oqýshy qamtylyp otyr. Onyń ishinde 160 oqýshy deńgeıli úmitkerler.
Qatysýshylar búginde «Aınalaǵa qara!» jáne «Týǵan jer» taqyryptarynda túrli janrdaǵy qysqametrajdy fılmder men shyǵarmashylyq sheshimi bar derekti fılmder, anımatsııalyq jáne áleýmettik rolık, mýzykalyq fılmder usynyp otyr.
Festıval barysynda «Qamqorlyq» jobasy sheńberinde erekshe bilim berýdi qajet etetin balalardyń qolóner buıymdary jınaqtalyp, arnaıy jármeńke uıymdastyrylyp otyr. Sonymen qatar, Ońtústik óńirinen shyqqan tanymal drama jáne kıno akterleriniń foto-sýret kórmesi men «Ońtústik fılm» kınostýdııasynyń taqyryptyq beıne fılmi kórermen nazaryna usynyldy.
Eki kúnge jalǵasatyn festıval qorytyndysynda jeńimpazdar arnaıy dıplommen, sertıfıkatpen jáne baǵaly syılyqtarmen marapattalatyn bolady.