OQO-da «7-20-25» baǵdarlamasymen 30 kópqabatty turǵyn úı tapsyrylady

ShYMKENT. QazAqparat - Ońtústik Qazaqstan oblysynda Prezıdenttiń «Bes áleýmettik bastamasy» júzege asyrylyp keledi, dep habarlaıdy óńir basshysynyń baspasóz qyzmeti.  

Ońtústik Qazaqstan - respýblıkada adamı resýrsqa baı, demografııalyq ósý qarqyny joǵary óńir. Sondyqtanda árbir otbasyna baspana alýdyń jańa múmkindikterin beretin Elbasynyń bastamasyn ońtústik halqy erekshe qýanyshpen qabyldady.

Osy jyly jeke qurylys kompanııalardyń qatysýymen 104 kópqabatty turǵyn úıdiń qurylysy qarqyndy túrde júrgizilýde. Bul 413,9 myń sharshy metr bolatyn 5 122 páter. Osy turǵyn úılerdiń 30-y, ıaǵnı, 1 454 páter bıylǵy jyldyń sońynda paıdalanýǵa tapsyrlady. Atalǵan turǵyn úıler «7-20-25» baǵdarlamasy sheńberinde halyqqa beriletin bolady.

Bul bastama arqyly oblystaǵy turǵyn úı kezegindegi 60 myń azamattyń, jer kezegindegi 220 myń azamattyń jáne «Turǵynúıjınaq» bankindegi 61 myń salymshynyń baspana muqtajyn sheshedi.

Budan bólek,  «Shymkent Sıtı» qalashyǵynda «7-20-25» baǵdarlamasy aıasynda 100-den astam kópqabatty turǵyn úı salýǵa qyzyǵýshylyq tanytqan jergilikti 20-ǵa tarta ınvestorlarmen kelissózder júrgizilip jatyr. Nátıjesinde jyl qorytyndysymen 780,2 myń sharshy metr turǵyn úı paıdalanýǵa beriledi dep josparlanýda.