OQO-da 2 myńnan astam adamdy jumyspen qamtıtyn toqyma fabrıkasy ashylmaq

ShYMKENT. QazAqparat - Búgin OQO ákiminiń birinshi orynbasary Darhan Satybaldy sheteldik «Sıanıan toqyma korporatsııasy» kompanııasynyń ókilderimen kezdesti, dep habarlaıdy ákimdiktiń baspasóz qyzmeti.

Sheteldik delegattardy Sıanıan qalasynyń hatshysy jáne jalpyqytaılyq ult ókilderiniń jınalys basshysy Lıan ıÝe bastap keldi.

Jıynda oblys ákiminiń birinshi orynbasary óńirdiń ınvestıtsııalyq múmkindikterin tanystyryp, toqyma klasterinde iske asqan birqatar jobalardy atap ótti.

 

Qos tarap kezdesý barysynda «Ońtústik» arnaıy ekonomıkalyq aımaǵynda toqyma fabrıkasyn ashý boıynsha yntymaqtastyq memorandýmyna qol qoıdy.

Aldaǵy ýaqytta atalǵan ındýstrıaldy aımaqta «Sıanıan toqyma korporatsııasy» men «Hlopkoprom Tsellıýloza» JShS birlesken toqyma fabırıkasyn ashý josparlanýda. 

Kelissózder óz deńgeıinde júrgizilse, atalmysh joba 2017 -2019 jyldar aralaǵynda júzege asyrylatyn bolady.  Eki kezeńnen turatyn jobanyń quny 100 mln AQSh dollaryn quraıdy. Joba júzege asqanda 2 myńnan  astam jumys orny ashylady dep kútilýde.

 

Sondaı-aq, sheteldik meımandar óńirge jumys sapary barysynda «Nazar Tekstıl», «Bal Tekstıl»  jáne «Álem BT» sekildi kásiporyndardyń jáne Ońtústik óńiriniń týrıstik múmkindikterimen tanysty.