OQO ákimi Janseıit Túımebaev arnaıy nasıhat tobymen kezdesti

ShYMKENT. QazAqparat - Ońtústik Qazaqstan oblysynyń ákimi Janseıit Túımebaev latyn álipbıin nasıhattaý maqsatynda kelgen arnaıy top múshelerimen kezdesti. Top quramynda Shymkentke Erlan Saırov, Ámirjan Qosanov, Talǵat Qalıev, Aqberen Elgezek, bloger-jýrnalıst Rýslan Jeldibaımen kezdesý barysynda ákim jańa álipbı jaıyn sóz etti, dep habarlaıdy QazAqparat tilshisi.

 «Bizdiń el 1929-1940 jyldary latyn álipbıin qoldanyp, bastan ótkerdi. Demek, biz latynǵa qaıta oralamyz. Latyn álipbıi arqyly biz túrki halyqtaryna tildik turǵydan jaqyndap, rýhanı jaǵymyzdan kemeldene túsýimizge jol ashamyz. Árıne, elimiz úshin táýelsizdik, týǵan jer, ulttyq qundylyq qasıetti uǵymdar. Mine, bul turǵyda Elbasynyń «Rýhanı jańǵyrý» baǵdarlamalyq maqalasynda memlekettik, ulttyq máselelerdiń sheshimi aıtyldy. Endeshe barlyǵymyz jumyla kirisýimiz kerek», - dedi Janseıit Qanseıituly.

Kezdesý aıasynda sóz alǵan belgili saıasattanýshy Erlan Saırov: «Latynǵa oralý - saıası qadam, ońdy sheshim ári tarıhı oqıǵa» degen pikir bildirdi. Basqosqandar jańa álipbı týrasynda oılaryn ortaǵa saldy.

 

«Latyn álipbıine kóshýden esh qoryqpaýymyz qajet. Eń bastysy, saıası sheshim qabyldandy. Endi ary qaraı ony júzege asyrýǵa kiriskenimiz jón», dep atap ótti Ámirjan Qosanov.

Budan bólek, Talǵat Qalıev toptyń negizgi maqsatyn aıta kele, elimizdegi jastarǵa arnalǵan ortalyqtardyń jumys isteý júıeleriniń jańaryp jatqandyǵyn jetkizdi.

 

Kezdesý sońynda oblys basshysy arnaıy kelgen qonaqtarǵa alǵys bildirip, jumystaryna sáttilik tilep, estelik syılyqtar tabys etti.