OQO ákimi Iran delegatsııasyn qabyldady
Aımaq basshysy Ońtústik pen Iran provıntsııalary arasynda, onyń ishinde Horasan Razavı aımaǵymen ózara tıimdi saýda-ekonomıkalyq, ınvestıtsııalyq jáne mádenı-gýmanıtarlyq baılanysty arttyrýdyń mol múmkindigi bar ekenin atap ótti.
«Sizben kezdesip otyrǵanyma jáne Ońtústik Qazaqstan oblysy men Horasan provıntsııasy arasyndaǵy eki jaqty baılanysty damytý boıynsha pikir almasýǵa qýanyshtymyn, Gýbernator myrza. Iran - Qazaqstan Respýblıkasynyń táýelsizdigin alǵash bolyp moıyndaǵan elderdiń biri. Biz bıyl eki el arasyndaǵy dıplomatııalyq baılanystyń ornaǵanyna 25 jyl tolýyn atap ótemiz. Iran - Qazaqstannyń Taıaý Shyǵys elderi arasyndaǵy ekinshi saýda áriptesi (BAÁ elinen keıin). Qazaqstan men Iran ShYU, IYU jáne basqa da bedeldi halyqaralyq uıymdar arasynda belsendi baılanys jasaýda. Eki eldiń EAEO aıasyndaǵy qarym-qatynasy da tıimdi ári bolashaǵy jarqyn bolmaq», - dedi Janseıit Qanseıituly.
Aıta keteıik, Iran - damyǵan ındýstrıaldy-agrarly el. Onda óndiris, munaı-gaz salasy men aýyl sharýashylyǵy jaqsy damyǵan. Edáýir ekonomıkalyq áleýeti bar. Aıta keteıik, 2016 jyly OQO-nyń syrtqy taýar aınalymy 1,9 mlrd AQSh dollaryn qurasa, sonyń ishinde 19 mln AQSh dollary Iran Islam Respýblıkasymen jasalǵan. Ońtústikten Iranǵa jańǵaq, arpa, tsement, bylǵary buıymdary eksporttalsa, Irannan bizdiń óńirge negizinen qurylys materıaldary, qubyrlar, keramıka buıymdary, santehnıka, turmystyq hımııa, kilem jáne jemis-jıdekter tasymaldanady.
Óz kezeginde gýbernator Alıreza Rashıdıan túrli salada tyǵyz baılanysty damytýǵa daıyn ekenin jetkizdi. Kezdesý barysynda aımaqtar arasyndaǵy jıi ımport jáne eksporttalatyn taýarlardy tańdap, solar boıynsha birikken jańa óndiris ornyn ashý boıynsha birge jumys isteý týraly usynys jasaldy.
Iran delegatsııasy eki kúndik is-sapar barysynda oblystyń ınvestıtsııalyq múmkindigimen tanysyp, «Kórme» ortalyǵyn, óńirdegi kásiporyndardy aralamaq. Buǵan qosa bıznes-qaýymdastyq ókilderimen kezdesip, tarıhı oryndardy aralaıdy dep josparlaýda.