Oklahomany 5 aıdan beri alyp pıton kezip júr

<p>Mysyq pen basqa da janýarlardy azyq etetin 13 fýttyq alyp albınos jylan birneshe aıdan beri amerıkalyq Oklahoma shtaty astanasynyń turǵyndaryn úreıde ustap otyr. <a href="https://kaz.inform.kz/" target="_blank" rel="noopener">QazAqparat </a>bul týraly <a href="https://www.usatoday.com/story/news/nation/2023/10/03/albino-reticulated-python-oklahoma-city/71044034007/" target="_blank" rel="noopener">USA Today </a>basylymyna silteme jasap habarlaıdy.</p>

Tor alyp albınos Oklahoma-Sıtıdegi Berntvýd kóshpeli úıler saıabaǵy aýdanynda bes aı buryn paıda bolǵan. Baýyrymen jorǵalaýshyny turǵyndar sońǵy ret juma kúni kórgen, dep jazdy KFOR-TV.

Pıtondy ustaý úshin jaldaǵan Red Beard Wildlife Control ókili Trevor Baýnds telearnaǵa pıton opossým, egeýquıryq pen mysyqtardy azyq etetinin aıtty. Tor albınos-pıton - pıton tuqymdasy ishindegi ýy joq jylan. Olar qurbanyn tolyqtaı jutar aldynda tunshyqtyryp alady.

Pıtonnyń qaıdan kelgeni belgisiz. Bul jylan túri úıde asyraýǵa óte yńǵaıly. Iesi pıtondy shyǵaryp jibergen nemese ol ózi qashyp ketken bolýy múmkin. Aýdan turǵyndarynyń sózinshe, jylannyń kólemi jaz basynan beri eki ese ósken. Sondaı-aq turǵyndar kóshpeli úıler saıabaǵy bastaýysh mekteptiń janynda ekenine alańdaýly.

Ótken aptada Baýnds jylý kamerasynyń kómegimen osy aýdandaǵy úılerdiń biriniń jertólesinde ornalasqan pıtonnyń uıasyn tapty. Jertóle ishinen birneshe óli janýardyń denesi tabyldy.

Baýnds jylannyń aýzy adamnyń aıaǵymen, al qalyńdyǵy semiz adamnyń bıtsepsimen birdeı, dep jazdy New York Daily News.

Gınnes rekordtar kitaby boıynsha, 2012 jyly bostandyqta júrgen eń iri tor albınos-pıtonnyń esimi - Tvınkı, uzyndyǵy - 23 fýt, salmaǵy - 370 fýnt bolatyn.

Jylan 2014 jyly ólip qalǵany belgili.