«Okarem-Beıneý» magıstraldy gaz qubyrynda jóndeý jumystary bastalady
07:24, 11 Qyrkúıek 2021
AQTAÝ. QazAqparat - 13 qyrkúıek kúni Mańǵystaý oblysynda magıstraldy gaz qubyrynyń «Beıneý-Jańaózen» bóliginde josparly jóndeý jumystary bastalady, dep habarlaıdy QazAqparat Mańǵystaý oblysy ákiminiń baspasóz qyzmetine silteme jasap.
Qubyrlardyń tozyǵy jetkendikten, olardy aýystyrý qajettiligi týyndady.
«Okarem-Beıneý» magıstraldy gaz qubyrynda kúrdeli jóndeý jumystary 14 kúnge sozylady.
Atalǵan jóndeý jumystary turǵyndarǵa esh áserin tıgizbeıdi. Aqtaý qalasy tutynýshylaryna, onyń ishinde «MAEK-QazAtomÓndirisi» JShS-ne qajetti tabıǵı gaz Túrikmenstan Respýblıkasy tarapynan «Begdash» ólshem toraby arqyly qamtamasyz etiledi.