«Ohotzooprom» ózderi atqan kıikterden qansha múıiz alynǵanyn aıtty

<p>ASTANA. KAZINFORM &ndash; &laquo;Ohotzooprom&raquo; óndiris birlestigi&raquo; respýblıkalyq memlekettik qazynalyq kásipornynyń bas dırektory Marlen Aınabekov atylǵan kıikterden qansha múıiz alynǵanyn aıtty.</p>

«Bıologııalyq negizdeme boıynsha Oral popýlıatsııasyna jatatyn kıikterdiń 20 paıyzynan aspaıtyn kólemin (226 myń bas), Betpaqdala popýlıatsııasynyń 15 paıyzyn (111 975 bas) usynylǵan bolatyn. Kıik sanyn retteý sharasy 2023 jyldyń 6 qazanynda bastalyp, 2024 jyldyń 10 aqpanynda aıaqtaldy. 42 myń bas kıik aýlandy. Bul bıologııalyq negizdeme usynǵan jospardyń 12 paıyzy degen sóz», - dedi ol.

Sondaı-aq, Marlen Aınabekov kıik aýlaý túnde jaryq kómegimen atý arqyly, kúndiz tor quryp qamaý arqyly júrgenin atap ótti.

«Kıik aýlaý jumystaryna jol talǵamaıtyn 27 «djıp» kóligi, taǵy 21 ámbebap kýzovty júk kóligi tartyldy. Kıik sanyn retteý jumystaryna atsalysý úshin 191 adammen qyzmet kórsetý týraly kelisimshart jasalyp, 43 ańshy top quryldy. Qazirgi tańda «Ohotozooprom» kásipornynda 42 161 kıik múıizi saqtaýly tur», - dedi «Ohotzooprom» kásipornynyń dırektory.