«Odan bári qorqatyn, artynda Qaırat turdy: jábirlenýshi Gúlmıra Satybaldy týraly

<p>ALMATY. KAZINFORM &ndash; Almatynyń qylmystyq ister jónindegi mamandandyrylǵan aýdanaralyq sotynda Gúlmıra Satybaldyǵa qatysty sot otyrysy jalǵasyp jatyr.&nbsp;</p>

Qazirgi ýaqytta protsesste sottalýshydan jaýap alyp jatyr. Zardap shekkender men aıyptalýshylardyń advokattary oǵan suraqtar qoıyp, keıbir málimetterdi anyqtaı bastady. 

Sonymen, Abaı Júnisov jaýap alý kezinde ony zańsyz ustap otyrǵan kezde ne sebepti polıtsııaǵa habar bermegenin aıtty. 

«Meni zańsyz qamaýda ustap otyrǵan kezde, qujattar men tamaqty berý kúzetshi arqyly júzege asyryldy. Maǵan meniń advokatym, úı kútúshisi jáne basqa da adamdar kelip turdy. Biraq barlyǵy Batyrshaev pen Satybaldynyń ruqsatymen keldi, barlyq kelýshini muqııat tekserdi. Olarǵa telefonmen kirýge ruqsat berilgen joq», - dedi ol.

Onyń advokaty oǵan kelýshiler nege polıtsııaǵa habarlaspaǵanyn jáne nege ol eshqandaı shara qabyldamaǵanyn qaıtalap surady.

«Meni oqshaýlap tastady. Problema men qysymnyń aýqymyn túsindim. Qazaqstanda Almatyda bolǵandyqtan barar jerim joq ekenin túsindim. Menen bárin tartyp aldy: tólqujattar, telefondar jáne basqa da zattar. Bireýge habarlasýǵa múmkindigim bolmady», - deıdi Abaı Júnisov.

Ol barlyq kómekshisi Gúlmıra Satybaldydan qorqanyn aıtty. 

«Ózin óte qatal ustady. Ol árkimniń is-áreketi jazasyz qalamaıtynyn aıtyp, ony Qaırat Satybaldy quptaıtynyn eskertip otyrdy. Bári odan qoryqatyn. Eshkim eshteńe jasaı almady», - dedi ol. 

Buǵan deıin kásipker Abaı Júnisov Gúlmıra Satybaldy birlesken seriktestikte urlyq jasady degen kúdikpen kinásin moıyndaýdy talap etip, 2019 jyldyń aqpanynan beri úıinde zańsyz qamaýda ustaǵanyn aıtqan edi. 

Aıta keteıik, aldyn ala tyńdaý kezinde, aıyptalýshy G. Satybaldy alqabıler sotyna qatyspaıtynyn jetkizgen bolatyn. 

Esterińizge sala keteıik, byltyr Gúlmıra Satybaldy bireýdiń múlkin ıemdený jáne jymqyrý qylmystyq isi boıynsha 7 jylǵa bas bostandyǵynan aıyryldy. 

Sondaı-aq sot oǵan 10 jyl boıy kommertsııalyq uıymdarda basshylyq laýazymdardy atqarýǵa tyıym saldy. 

Gúlmıra Satybaldy kásiporyndardyń qatysý úlesin zańsyz ıemdený, sonyń ishinde adam urlaýmen ushtasqan eki fakti boıynsha tergeýge alynǵan edi. Jábirlenýshige kelgen zalal somasy – 6,6 mlrd teńgeden asady. 

Sondaı-aq Gúlmıra Satybaldy sotqa deıingi tergeý kezinde shekara asyp ketpek bolǵan. 

Gúlmıra Satybaldy aıyptaýlarmen kelispeıtinin aıtyp, ádil sheshim qabyldaýǵa ótinish jasaǵan bolatyn.