Obyrmen aýyratyn áıelin óltirgen brıtandyq 1,5 jyldan keıin bostandyqqa shyqty

ASTANA. QazAqparat - Er adam qaterli isikke shaldyqqan áıeliniń ótinishin oryndaǵany úshin túrmege qamalǵan edi, dep habarlaıdy QazAqparat Euronews agenttigine silteme jasap.

Kıprde áıelin óltirgen Ulybrıtanııa azamaty qamaýdan bosatyldy.

76 jastaǵy Devıd Hanter kisi ólimine kináli dep tanylyp, eki jylǵa bas bostandyǵynan aıyrylǵan.

Degenmen ol temir tordyń ar jaǵynda 19 aı jazasyn ótep, bostandyqqa shyqty. Sot osy merzim jetkilikti dep sheshti.

Hanterdiń áıeli Djanıs uzaq ýaqyt qan qaterli isigimen aýyrǵan. Qınalǵan kezinde ol kúıeýinen azaptan qutqarýdy jalynyp suraǵan.

Devıd kelisip, ony jastyqpen tunshyqtyrady. Sodan keıin kóp mólsherde dári iship, óz-ózine qol jumsamaq bolǵan.

Bul áreketi sátsiz aıaqtalyp, ol qamaýǵa alyndy.

Nortýmberlend kenshisi, zeınetker Hanter men onyń áıeli bir-birin jasóspirim shaqta kezdestirgen.

Olar 52 jyl nekede boldy.