Oblystardaǵy sport nysandarynda túgendeý júrip jatyr - Ashat Oralov

ASTANA. QazAqparat – Bıyl 113 jańa sport nysanyn salý jumystary jalǵasady. Bul týraly Úkimet otyrysynda Mádenıet jáne sport mınıstri Ashat Oralov aıtty, dep habarlaıdy QazAqparat tilshisi.

«Atqarylyp jatqan jumystarǵa qaramastan, salanyń problemalary da jetkilikti. Salaǵa qatysty júrgizilgen taldaý kórsetkendeı, elde dene shynyqtyrýdy damytýdyń negizgi problemasy – qajet sport ınfraqurylymynyń jetispeýi. Jergilikti jerlerde ákimdikter qoldanystaǵy sport ǵımarattaryn, alańdaryn qaıta qalpyna keltirý jáne jańartý, sonymen qatar halyq tyǵyz ornalasqan oryndarda qymbat emes sport nysandaryn salý jóninde birshama sharalar qabyldap jatyr. Alaıda bul jumystar jetkiliksiz. Jalpy, el boıynsha 43 myńnan astam sport ǵımaraty bolsa, onyń 23 myńnan astamy aýyldarda ornalasqan», - dedi A. Oralov.

Onyń aıtýynsha, bıyl Úkimet qaýlysymen bekitilgen josparǵa sáıkes, 113 jańa sport nysanyn salý, 20 nysandy rekonstrýktsııalaý, jumys istep turǵan sport obektilerin jete jaraqtandyrý jónindegi 6 joba boıynsha jumys jalǵasady.

«Mınıstrlik qazirgi kezde oblystardaǵy sport nysandaryna qatysty túgendeý (ınventarızatsııa) júrgizip jatyr», - dedi mınıstr.

Budan buryn habarlanǵandaı, jylda Qazaqstanda 1,2 mln adamdy qamtıtyn túrli deńgeıdegi sporttyq-buqaralyq is-shara ótkiziledi.