Oblysaralyq jáne jergilikti avtojoldardaǵy sý tasqyny toqtamady

NUR-SULTAN. QazAqparat – Aqmola jáne Aqtóbe óńirlerindegi oblystyq mańyzy bar avtojoldardyń 4 ýchaskesin, Qaraǵandy, Aqmola, Aqtóbe, Qostanaı oblystaryndaǵy jergilikti mańyzy bar avtojoldardyń 11 ýchaskesin, Aqtóbe oblysynyń jergilikti mańyzy bar jol ýchaskesindegi bir kópirdi áli de sý shaıyp jatyr, dep habarlaıdy QazAqparat QR Tótenshe jaǵdaılar mınıstrligine silteme jasap.

Sondaı-aq, sońǵy táýlikte Aqmola, Aqtóbe, Qaraǵandy oblystary men Nur-Sultanda jergilikti atqarýshy organdar jáne TJM kúshteri aýla aýmaqtaryndaǵy, kóshelerdegi 126,6 myń tekshe metr erigen qar sýyn sorǵytty. Aqmola, Shyǵys Qazaqstan, Aqtóbe, Qaraǵandy oblystarynda ınertti materıaldary bar 4895 qap tóseldi.

Jumystarǵa TJM, ІІM, jergilikti atqarýshy organdardan, úkimettik emes uıymdardan 657 adam, 156 tehnıka, 74 sý sorý jáne 5 júzý quraly jumyldyryldy.

Aqmola jáne Shyǵys Qazaqstan oblystarynda sý tasqynyna qarsy is-sharalar atqarylyp jatyr. Atap aıtqanda, qaptar tóseý, topyraq úıip bekitilgen jerlerdi nyǵaıtý, erigen qar sýyn sorý jumystaryna TJM 52859 jáne 68303 áskerı bólimderiniń 55 adamy men 6 tehnıkasy tartylǵan.

Sonymen qatar, ShQO-da sý tasqynyn baqylaıtyn 2 beket qoıylǵan bolatyn.

Jalpy, tasqyn kezeńi bastalǵannan beri 265 nysandy sý basty .