Oblys ortalyqtarynda 5G josparly merzimnen buryn engizilmek
12:23, 13 Qyrkúıek 2023
ASTANA. QazAqparat – Oblys ortalyqtaryn 5G baılanysymen qamtý josparlanǵan ýaqyttan bir jyl erte oryndalady. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın málim etti, dep habarlaıdy QazAqparat tilshisi.
«5G jańa tehnologııa jáne ony aýyldarǵa jetkizý týraly aıtý ázirge erteleý. 5G-men ázirge oblys ortalyqtary men respýblıkalyq mańyzy bar qalalardy qamtý mindeti tur. Bıyl jyl sońyna deıin 600-700 bazalyq stantsııa ornatý jospary bar. Biraq 5G aýktsıonynda jeńiske jetken operatorlar bul josparlardy ózgertti», - dedi Baǵdat Mýsın.
Mınıstrdiń málimdeýinshe, Astana, Almaty jáne Shymkent qalalarynda 1 myńǵa jýyq bazalyq stantsııa ornatylady.
«Óńirlerde jańa tehnologııany qoldaný úshin birneshe bazalyq stantsııalar ornatylady. Respýblıka boıynsha operatorlar 2027 jylǵa deıin barlyq oblys ortalyqtaryn qamtýdy josparlaǵan. Degenmen, qazir baılanys operatorlary josparlaryn qaıta qarap, jobany 2026 jyldyń sońyna deıin iske asyrǵysy kelip otyr», - deıdi ol.