Oblys ákimderiniń mádenıet salasyna jaýapty orynbasarlary teatrǵa múldem barmaıdy - Mádenıet mınıstri

ASTANA. QazAqparat - Oblys ákimderiniń mádenıet salasyna jaýapty orynbasarlary múldem teatrǵa barmaıdy. Bul týraly búgin QR Úkimetiniń selektorlyq rejımdegi otyrysynda QR Mádenıet jáne aqparat mınıstri Muhtar Qul-Muhammed aıtty.

«Teatr kadrlaryn daıarlaý máselesinde kelgende oblystyq, tipti respýblıkalyq teatr basshylary da ilkimdilik tanytýlary kerek. «Bolashaq» baǵdarlamasy boıynsha arnaıy kvota bólingenine qaramastan birden-bir oblystyq teatrdan usynys kelip túsken joq», - dedi ol.

Sondyqtan da mınıstr teatr basshylaryna bul máselege erekshe mán berip, basty nazarda ustaýdy tapsyrdy.

«Ynta-yqylas degennen shyǵady. Keıbir oblys basshylaryn bylaı qoıǵanda, olardyń osy salaǵa jaýapty orynbasarlary jylyna bir ret teatr premerasyna qatyspaıtyny týraly faktiler de óte jıi kezdesetindigin ókinishpen aıtýǵa májbúrmin», - dedi M.Qul-Muhammed.