Oblys ákimderi janama saılaý arqyly taǵaıyndalady
«Sondaı-aq máslıhattardyń yqpalyn barynsha kúsheıtý úshin oblys ákimderin taǵaıyndaý tártibin ózgertý qajet dep sanaımyn. Qazir máslıhat depýtattary Memleket basshysy usynatyn bir ǵana kandıdatýraǵa kelisim beredi nemese kelisim bermeıdi», - dedi Memleket basshysy.
Osyǵan oraı Qasym-Jomart Toqaev Prezıdentke oblystardyń, respýblıkalyq mańyzy bar qalalardyń ákimi laýazymyna balama negizde keminde eki kandıdat usyný quqyǵyn reglamentteıtin zańnamaǵa ózgertýler engizý qajettigin aıtty.
«Osylaısha, Prezıdent máslıhattardyń qaraý nátıjesin eskere otyryp, oblystardyń jáne respýblıkalyq mańyzy bar qalalardyń ákimderin taǵaıyndaıtyn bolady. Túptep kelgende óńirlerdiń basshylaryn janama saılaý týraly sóz bolyp otyr. Sonymen qatar Memleket basshysynda óńir basshylaryn máslıhatpen keńespeı jumystan bosatý quqyǵy saqtalady», - dedi Qasym-Jomart Toqaev.