Oblys ortalyqtary 2025 jylǵa deıin 5G ınternetpen qamtylyp úlgere me - Baǵdat Mýsın jaýaby

<p>2025 jyldyń sońyna deıin árbir oblys ortalyǵy aýmaǵynyń 60 paıyzdan astamy 5G tehnologııasymen qamtylady. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Biz ótken jyly radıojıilikterge baıqaý jarııalaǵan edik. Protsess sozylyp ketken joq. Josparymyzǵa sáıkes bıyl 700 bazalyq stansa ornatýymyz qajet edi. Operatorlar qazirdiń ózinde bul kórsetkishten asyp túsip, jyldyń sońyna deıin 1 myńnan astam bazalyq stansa ornatady. Olardyń ınvestıtsııa salýǵa jáne baılanys ınfraqurylymyn barynsha qarqyndy damytýǵa daıyn ekenin eskersek, bizdiń mobıldi operatorlar júktelgen tapsyrmany oryndaıtynyna senimdimin. 2025 jyldyń sońyna deıin respýblıkalyq mańyzy bar Astana, Almaty, Shymkent qalalarynyń keminde 75 paıyz jáne oblys ortalyqtarynyń 60 paıyzdan astamy 5G jelisimen qamtıdy. ıAǵnı, árbir oblys ortalyǵy aýmaǵynyń 60 paıyzdan astamy 2025 jyldyń sońyna deıin 5G tehnologııasymen qamtylatyn bolady», - dedi mınıstr Digital Bridge 2023 halyqaralyq tehnologııalyq forýmy aıasyndaǵy brıfıngte.

Osy rette Baǵdat Mýsın baılanystyń basqa da tehnologııalary qosa damytylatynyn aıtty.

«Sonymen qatar biz 4G ınfraqurylymyn nyǵaıtý, ulǵaıtý baǵytynda da bazalyq stansalardy jańǵyrtý úshin aýqymdy jumys júrgizip jatyrmyz. Osy jyldyń sońyna deıin mobıldi baılanys operatorlary arasynda radıojıilik baıqaýyn ótkizetin bolamyz», - dedi ol.

Aıta keteıik, keshe Digital Bridge 2023 halyqaralyq tehnologııalyq forýmynda Memleket basshysy Qasym-Jomart Toqaev oblys ortalyqtaryn 5G tehnologııasymen qamtýdy jedeldetýdi tapsyrǵan bolatyn.