«Obama ma, álde Romnı me?» - respýblıkalyq basylymdarǵa sholý

ASTANA. 7 qarasha. QazAqparat - Qazaq aqparat agenttigi respýblıkalyq basylymdarda 7 qarasha, sársenbi kúni shyqqan ózekti materıaldarǵa sholýdy usynady.

 ***

Parlament Májilisiniń Ekonomıkalyq reforma jáne óńirlik damý komıteti «Qazaqstan Respýblıkasynyń mem­le­kettik qyzmet máseleleri boıynsha keıbir zańnamalyq ak­tilerge ózgerister men tolyqtyrýlar engizý týraly» zań jo­ba­synyń tanystyrylymyn ótkizdi, dep habarlady Májilistiń baspasóz qyzmeti. Memlekettik qyzmet isteri agent­tiginiń tóraǵasy Álıhan Báı­menov zań jobasy boıynsha baıandama jasady. Zań jobasy Memleket basshysynyń 2011 jylǵy shilde aıynda bekitken Memlekettik qyz­met­tiń jańa modeli tujy­rym­dama­syn júzege asyrý jáne naqty tap­syr­malaryn oryndaý maqsa­tyn­da ázirlengen. Agenttik tór­aǵa­sy bul zańnyń Elbasy N.­Á.Na­zar­baevtyń «Qazaqstannyń áleý­­met­tik jań­ǵyr­ty­lýy: Jalpyǵa Ortaq Eńbek Qo­ǵamyna qaraı 20 qadam» atty baǵ­darlamalyq maqalasynda kórse­til­gen mindetterge sáıkes­ti­gin atap ótti. Sebebi, merıtokratııa qaǵıdat­ta­ryn kúsheıtý áleý­mettik jańǵyr­tý quraldarynyń biri bolyp tabylady. Zań jobasynyń negizgi basym­dyqtary:
- kadrlardy irikteý men jo­ǵa­rylatý kezinde merıtokratııa qaǵı­datyn kúsheıtý;
- «A» basqarýshylyq korpý­syn qurý,
- personaldy basqarý ıns­tı­týt­tary men mehanızmderin jetildirý;
- kadr qyzmetiniń rólin art­tyrý;
- tártiptik jáne etıkalyq ba­qylaýdy kúsheıtý.

Zań jobasy turǵysynda kóterilgen osy jáne ózge de máseleler «Egemen Qazaqstan» basylymynyń búgingi sanynda «Memlekettik qyzmettiń qazaqstandyq úlgisi» degen taqyryppen jaryq kórdi.

«Gazet oqyrmandar qolyna tıgenshe, AQSh-taǵy prezıdenttik saılaý da máresine jetip úlgeredi. Saılaýǵa bir kún qalǵanda AQSh prezıdenti Barak Obama óziniń básekelesi, respýblıkalyq kandıdat Mıtt Romnıden eki pýnkt ozyq turǵan bolatyn. Qolymyzdaǵy sońǵy málimetterge qa­raǵanda, alǵashqy ashylǵan saılaý ýchaske­lerinde is basyndaǵy prezıdent Barak Obama jeńiske jetken. Biraq bul demokrattyń aty barlyq jerde birdeı ozyp keledi degen sóz emes. Sarapshylardyń paıymdaýlarynsha, osy jolǵy saılaý buryn-sońdy bol­ma­ǵan teketirespen ótse, bir úmitker ekinshi­sin sál ǵana basymdyqpen jeńetin bolady»,-dep jazady «Egemen Qazaqstan» basylymy «Obama ma, álde Romnı me?» degen taqyryppen jarııa etilgen materıalda.

***

«Alash aınasy» gazetiniń «Oı-kókpar» aıdarynda Parlament qabyrǵasynda qarsha boraıtyn depýtattyq saýaldarǵa qatysty «Depýtattyq saýaldardyń qadirin ketirip alǵan joqpyz ba?» degen másele kóterilgen. Osy jaıǵa baılanysty saıasattanýshy Aıdos Sarym «ııa» dep jaýap berse, QR Májilisiniń depýtaty Aldan Smaıyl qarsy dáıekterin keltiredi.

Osy basylymdaǵy «Aqsaqaldar alqasy qoǵamdyq ınstıtýt retinde nege qaıta qurylmaıdy?»  atty maqalada Qaraǵandy oblysynyń Temirtaý qalasyndaǵy osyndaı qoǵamdyq ınstıtýtty mysalǵa ala otyryp, ulttyq mentalıtetimizdiń ajyramas bóligi retinde dástúrimizge saı, urpaqtar sabaqtastyǵyna ulastyratyn ulttyq ınstıtýtty zańdyq turǵydan qalyptastyrý kerektigi sóz bolǵan.

  

***

  «Kazahstanskaıa pravda» basylymynyń jazýynsha, elordadaǵy «Zodıak» oıyn-saýyq kesheninde eki dúrkin Olımpıada chempıony Ilıa Ilınniń Kýbogine bılıardtan («Máskeý pıramıdasy»)týrnır ótti. Týrnırge 128 bılıardshy qatysqan kórinedi. Olardyń ishinde sheberler men kásipqoılary da bar. Osy tartysty doda jaıynda bilgińiz kelse «Týrnır na Kýbok Ilı Ilına» atty materıaldy qarańyz.