OA elderiniń Parlamentaralyq jıynynda Túrkistan deklaratsııasy qabyldanady
Senator Nurtóre Júsip Túrkistan qalasynda ótip jatqan Parlamentaralyq forýmda saýda ekonomıkalyq ıntegratsııalyq, ınnovatsııalyq túrli salalarlaǵy baılanystarmen qatar Parlamentterdiń arasyndaǵy zańnamalyq qujattardy qaıta baǵamdaý, sonymen qatar rýhanı máselelerge de nazar aýdarylyp otyrǵanyn jetkizdi.
«Orta Azııa elderiniń yntymaqtastyǵy, memleket basshylary qol jetkizgen ýaǵdalastyqtardy odan ári nyǵaıtý, damytý, osy turǵyda parlamentterdiń atqaratyn jumystaryn, zańdyq quqyqtyq negizdemelerdi qaıta bir qarap, pysyqtap, keleshektegi osy strategııalyq áriptestikterdi odan ári qaraı teńdete damytý tóńireginde áńgimeler bolady. Sondaı-aq búgin forýmnyń negizgi kúni. Túrkistan deklartsııasy qabyldanady dep otyrmyz. Sol qujat arqyly memleketaralyq baılanystardy barynsha bekemdep, nyǵaıtý jaıy qaralady. Forým alǵash ret ótkizilip otyr jáne onyń mańyzy joǵary» - dedi ol.
Sonymen qatar senator forýmda Aral, sý máselesiniń talqylanatynyn jetkizdi.
Aıta keteıik, búgin Túrkistanda Ortalyq Azııa memleketteriniń Parlament aralyq birinshi forýmy ótip jatyr.
Foto: QR Senatynyń baspasóz qyzmeti