Ó.Shókeev «Samuryq-Qazyna» portfeldik kompanııalary Dırektorlar keńesteri múshelerimen kezdesýde
«Qor kompanııalar tobyn transformatsııalaýdyń negizgi sıpattary áleýmettik turaqtylyq, eńbekti qorǵaý jáne qaýipsizdik tehnıkasyn saqtaý bolýy tıis. Dırektorlar keńesteri aldyna qoıylǵan mindet - kompanııalarymyzdy osy kórsetkishter boıynsha kóshbasshylarǵa aınaldyrý. Óndiristik ujym úshin álem talaptaryna saı eńbek jaǵdaıyn qamtamasyz etý qajet», - dedi kezdesýdi ashqan Ó.Shókeev.
Onyń atap ótýinshe, transformatsııa aıasynda Dırektorlar keńesteriniń róli kúsheıtildi. Sondyqtan Dırektorlar keńesterine kompanııalarda turaqty damý strategııalaryn ázirleý men engizý úshin jaýapkershilik júkteledi.
«Transformatsııa men qor kompanııalary tobynyń barlyq bastamalary bizdiń bıznestiń turaqtylyǵyn, ıaǵnı ekonomıkanyń damýyn jáne Qazaqstannyń bolashaq urpaǵynyń ál-aýqatyn qamtamasyz etýge tıisti barshamyzǵa bizdiń bastamalardyń tıimdiligin, olardyń ulttyq jáne ǵalamdyq deńgeıdegi tabystylyǵy úshin jaýapkershilikti seziný qajet», - dedi ol.