Ó. Shókeev: «Samuryq-Qazyna» kompanııalar tobynyń satyp alýlarynda jergilikti qamtý 75 paıyzǵa jetti

ASTANA. QazAqparat -«Samuryq-Qazyna» Ulttyq ál-aýqat qory» AQ qarasty kompanııalar tobynyń satyp alýlarynda jergilikti qamtý 75 paıyzǵa jetti. Búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte «Samuryq-Qazyna» Ulttyq ál-aýqat qory» AQ basqarma tóraǵasy Ómirzaq Shókeev osylaı málim etti.

«Qor bes jyl ishinde otandyq bıznesti qoldaý boıynsha aıtarlyqtaı nátıjelerge qol jetkizdi. Aıtalyq, satyp alýlardaǵy jergilikti qamtý 2010 jylǵy 50 paıyzdan 2014 jyly 75 paıyzǵa artty. 2014 jyldyń qorytyndysy boıynsha Qor kompanııalarynyń satyp alý kórsetkishi 3,9 trıllıon teńgeni quraǵan. Sonyń ishinde satyp alýlardyń 75 paıyzy jergilikti qamtý bolsa, olardyń ishinde taýarlar boıynsha 63 paıyz, jumys pen qyzmetter 82 paıyz», - dedi Ó.Shókeev.

Onyń aıtýynsha, mundaı nátıjege Qor tarapynan satyp alýlar erejesine engizilgen preferentsııalar arqasynda qol jetip otyr.