NZM oqýshylary «Alash Orda izimen» ekspedıtsııasyna qatysýda
Belgili bolǵandaı, joba 2012 jyly ázirlendi, bul oqýshylardyń týǵan eline degen qyzyǵýshylyǵyn arttyrýǵa, patrıottyq sezimdi kúsheıtýge baǵyttaldy. Bul sapardyń ereksheligi Qazaqstan óńirleri boıynsha zertteýlerdi júrgizý jáne tanysý úshin Nazarbaev Zııatkerlik mektepteri arasynda marshrýt almasý bolyp tabylady.
Qatysýshylardyń aıtýynsha, mundaı sharalar jan-jaqty damýǵa, jańa bilim alýǵa, sondaı-aq elimizdiń geografııasymen tanysýǵa múmkindik beredi. Respýblıka aýqymyndaǵy ekspedıtsııaǵa Nazarbaev Zııatkerlik mektepterinen 240 oqýshy qatysyp jatyr.
Bıyl 10-19 maýsym aralyǵynda, Taldyqorǵan qalasy NZM Atyraý men Aqtóbe qalalarynan eki topty qabyldaýda. Ekspedıtsııa marshrýty «Alash Orda izimen» dep atalady. Joba aıasynda ekspedıtsııaǵa shyqqan toptar eldiń barlyq oblystaryna baryp, janýarlar, ósimdikter álemin, ınnovatsııalyq nysandar men sáýlet qurylystary jáne t.b. zertteıdi.
«Týǵan elge taǵzym» ekspedıtsııasy NZM barlyq oqýshylaryna damýǵa, ǵylymı zertteýlermen aınalysýǵa múmkindik beredi. Bıyl shaǵyn saıahatqa iri tarıhı oqıǵa - Alash Ordanyń 100 jyldyǵy sebep boldy. Ár oqýshy eldiń óńirin tańdap, óz ǵylymı jumysyn jazady. Mysaly, meniń tańdaǵan taqyrybym, «Alash Orda ókilderiniń shıfrlanǵan ataýlary dep atalady. Sondyqtan Almaty oblysy boıynsha marshrýt taqyrybyma tolyqtaı sáıkes keledi», - dedi Atyraý qalasy NZM oqýshysy Kóńilkósh Bek.
Atap ótsek, ekspedıtsııa baǵdarlamasy balalar tańdaǵan ǵylymı taqyryptardy esepke alyp jasalady. Rýhanı-adamgershilik qundylyqtardy qalyptastyrý, «Máńgilik el» jalpyulttyq patrıottyq ıdeıany, N. Nazarbaevtyń «Bolashaqqa kózqaras: qoǵamdyq sanany jańǵyrtý» maqalasynyń ıdeıalaryn iske asyrý maqsatynda bıyl respýblıkalyq NZM-den 24 oqýshy Almaty oblysyndaǵy «Týǵan elge taǵzym» zertteý ekspedıtsııasyna qatysty.