Nıý-Iorkte Donald Trampqa qatysty taǵy bir sot bastaldy

<p>ASTANA. KAZINFORM &ndash; Nıý-Iorkte AQSh-tyń búrynǵy prezıdenti Donald Tramptyń pornojuldyz Stormı Denıelske 130 myń dollar tóleý isi boıynsha sot protsesi bastaldy. Tramp &ndash; AQSh tarıhynda qylmystyq jaýapkershilikke tartylǵan alǵashqy prezıdent, dep habarlaıdy <a href="https://www.bbc.com/russian/articles/cy73qr315evo" target="_blank" rel="noopener">VVS.</a>&nbsp;&nbsp;</p>

Bir aıdan astam ýaqytqa sozylýy múmkin sot protsesi alqabılerdi tańdaýdan bastaldy.

Alǵashqy birneshe mınýtta úmitkerlerdiń jartysyna jýyǵy (96-nyń 50-i) ádil ári beıtarap bola almaıtynyn aıtyp, protsesten shyǵaryldy.

Alqabı bolýy múmkin qalǵandaryna ártúrli suraqtar qoıyldy, sonyń ishinde olardyń jańalyqtar men kitap oqý ádetterine qatysty suraqtar da boldy.

Barlyǵy 12 adamdy tańdaý kerek (plıýs alty qosymsha adam).

Tramp shamamen jeti saǵatqa sozylǵan sot otyrysynan keıin sýdıa Hýan Merchandy taǵy da synǵa aldy.

Sot otyrysynyń basynda Merchan qorǵaýshynyń ózinen bas tartý týraly ótinishin qabyldamady, bul jaǵdaı osymen ekinshi ret bolyp otyr.

Tramptyń advokattary onyń qyzynyń demokratııalyq klıenttermen saıası konsaltıngtik fırmada jumys isteýi múddeler qaqtyǵysyn týdyrady dep Merchandy isti qaraýdan bas tartýǵa shaqyrdy.

Tramp pornoaktrısa Stormı Denıelske ózi jeńgen 2016 jylǵy prezıdenttik saılaý aldynda 130 myń dollar tólegenin jasyrǵysy keldi dep aıyptalýda.

Tólem jasaý faktisi — zańbuzýshylyq emes. Degenmen, Tramp advokatynyń aqshasyn ótegen kezde bul sot shyǵyndary retinde rásimdelgen.

Nıý-Iork shtatynyń prokýratýrasy bul áreketti Tramptyń qarjylyq qujattardy qoldan jasaýy nemese burmalaýy dep sanaýǵa bolatynyn, bul óz kezeginde qylmys retinde jiktelýi múmkin dep sanaıdy.