Nıý-Iorkte AÓSShK Mınıstrler keńesiniń beıresmı otyrysy ótti
Mınıstrler keńesi uıymdy nyǵaıtýǵa jáne Azııanyń jańa jahandyq róline beıimdeýge baǵyttalǵan reformalardyń segiz naqty baǵytyn kórsetetin AÓSShK transformatsııasynyń Jol kartasyn maquldady. Onda quramyna 28 múshe memleket kiretin atalǵan halyqaralyq uıymdy nyǵaıtýǵa jáne jáne onyń Azııadaǵy jańa jahandyq róline beıimdelýine baǵyttalǵan reformalardyń naqty segiz salasy atap kórsetilgen. Birtindep transformatsııalaý úderisi 2022 jyly qazanda Astanada, Qazaqstannyń 1992 jyly BUU qabyrǵasynda uıymdy qurý bastamasyna 30 jyl tolý mereıtoıy qurmetine oraılastyra uıymdastyrylǵan AÓSShK altynshy sammıtinde bastalǵan.
Jol kartasy uıym jarǵysyn ázirleý, yntymaqtastyqtyń jańa baǵyttaryn izdeý sekildi ashyq jáne tolyq emes tizbesi bar transformatsııa úderisiniń qurylymdyq kún tártibi men jetekshi qujaty retinde qyzmet etedi. Sondaı-aq AÓSShK, bıýdjet jáne kadr reformasy jáne basqa da taqyryptardy qamtıdy.
«Búginde AÓSShK keń geografııalyq keńistikti qamtıtyn jáne kún tártibi bar biregeı panazııalyq úkimetaralyq forým. Bul ony beıbitshilik, yntymaqtastyq, qaýipsizdik jáne damý úshin elderimizdi biriktirý úshin eń qolaıly platformaǵa aınaldyrady. Ortaq maqsat oraıynda kúsh-jiger jumyldyra otyryp, AÓSShK-niń biriktirgish rýhyn saqtaıtynymyzǵa jáne nyǵaıtatynymyzǵa, uıymnyń halyqaralyq bedeli men álemdik arenadaǵy tartymdylyǵyn arttyratynymyzǵa senimim mol», - dep málimdedi Mınıstrler keńesiniń tóraǵasy, QR Premer-Mınıstri orynbasary – Syrtqy ister mınıstri Murat Nurtileý.
AÓSShK Bas hatshysy, Elshi Qaırat Sarybaı Mınıstrler keńesine Hatshylyq AÓSShK-niń Sammıtinde belgilengen mindetterdi oryndaǵanyn habarlady. AÓSShK-tegi Qazaqstan Tóraǵalyǵynyń tapsyrmasy boıynsha Hatshylyq múshe-memlekettermen keńinen keńes quryp, olardyń oı-pikirin jınap, Jol kartasyna sáıkes aldaǵy ýaqytta múshe memleketter talqylaıtyn transformatsııalaýǵa baılanysty naqty sharalar boıynsha usynys jasady.
AÓSShK mınıstrler Keńesi sodaı-aq atalǵan uıym qyzmetiniń múldem jańa baǵytyna saıası serpin beretin turaqty damý maqsatynda eriktiler qozǵalysyn ilgeriletý týraly Málimdeme qabyldady. Bul azamattardy, ásirese jastardy volonterlyq qyzmetke belsendi túrde tartýǵa jol ashady.
Mınıstrler keńesiniń músheleri AÓSShK-ni ınstıtýttyq damytýyń aldaǵy perspektıvalary týraly baıypty pikir almasyp, Azıa keńesin transformatsııalaýdyń alǵashqy qadamdaryna qoldaý bildirdi. Mınıstrler sonymen birge, AÓSShK otyrysynyń kún tártibindegi basqa da mańyzdy máselelerdi talqylap, AÓSShK Bas Hatshysynyń kelesi orynbasary qytaılyq Chjan Lın hanymdy taǵaıyndaý týraly sheshim qabyldady.