Nıý-Iorkte alǵash ret kóz transplantatsııasy jacaldy

<p>NYU Langone Health klınıkasynyń hırýrgteri álem boıynsha alǵashqy adamnyń kóz almasyn aýystyrý operatsııasyn jasady. Naýqastyń kórý qabileti qalpyna kelmese de, bul operatsııa medıtsınadaǵy jańalyqtardyń biri retinde tirkeldi, dep habarlaıdy <a href="Kazinform." target="_blank" rel="noopener">Kazinform</a> bul týraly <a href="https://www.reuters.com/business/healthcare-pharmaceuticals/surgeons-new-york-announce-worlds-first-eye-transplant-2023-11-09/" target="_blank" rel="noopener">Reuters</a> agenttigine silteme jasap. </p>

Betti transplantatsııalaý operatsııasynan keıin alty aı ótken soń, kóziniń sol jaq bóligindegi qan tamyrlar júıesi jumys isteı bastaǵan jáne kóz tory qalypqa kelgen. 

«Kóz transplantatsııasynyń ózi — alǵa jasalǵan úlken qadam. Bul ǵasyrlar boıy adamzat oıynda bolǵanymen, osy ýaqytqa deıin oryndalmaı kelgen qadam edi», — deıdi hırýrgter tobyn basqarǵan Edýardo Rodrıges.

Osy ýaqytqa deıin dárigerler kózdiń aldyńǵy móldir qabatyn ǵana aýystyra alǵan. 

Retsıpıent Aaron Djeıms — Arkanzas shtatynan kelgen 46 jastaǵy áskerı qyzmetker, ol joǵary voltty elektr jelisin tartýshy bolyp jumys istegen. 2021 jyly onyń beti tok ótkizetin symǵa tıip, denesi arqyly 7 200 volttyq tok soqqan. Saldarynan betiniń sol jaǵy, murny, aýzy jáne sol kózi men sol qoly qatty jaraqattanǵan. 

Mamyr aıynyń sońynda 140-tan astam hırýrgten turatyn top Aaron Djeımstiń sol kózi men betiniń bir bóligin transplantatsııalady. 21 saǵatqa sozylǵan operatsııa týraly CNN jazǵan bolatyn. 

«Kóz almasyn transplantatsııalaý — kórý qabileti qalpyna kelmese de jańa múmkindikterge jol ashady», — deıdi Rodrıges.