Nıý-Iorkte adamı resýrstardy basqarý boıynsha halyqaralyq semınar ótti
Semınar Birikken Ulttar Uıymynyń Halyqaralyq azamattyq qyzmet jónindegi komıssııasy jáne Astana memlekettik qyzmet habymen birlesip uıymdastyryldy. Іs-sharaǵa Astana habynyń rezıdent-elderi Ázerbaıjan, Grýzııa, Qyrǵyz Respýblıkasy, Tájikstan, Ýkraına, Ózbekstannyń memlekettik qyzmet isteri jónindegi ýákiletti organdarynyń basshylary qatysty.
Semınardyń negizgi maqsaty – BUU tájirıbesi negizinde adam resýrstaryn basqarý júıesiniń zamanaýı ákimshilik jáne tehnıkalyq aspektilerin taldaý.
Birikken Ulttar Uıymy Bas hatshysynyń orynbasary, Halyqaralyq azamattyq qyzmet jónindegi komıssııanyń tóraǵasy Larbı Djakta BUU álemniń túrli aımaqtarynda memlekettik qyzmetti jetildirý boıynsha naqty sharalar qabyldap jatqanyn atap ótti. Ol sonymen qatar memlekettik sektorda adam resýrstaryn basqarýdyń úzdik tájirıbesin taratý úshin osy baǵyttaǵy yntymaqtastyqtyń mańyzdylyǵyna toqtaldy.
Óz kezeginde, MQІA tóraǵasy Darhan Jazyqbaı qazirgi zamanǵy úrdister memlekettik qyzmet tıimdiligin únemi arttyrýdy qajet etetinine nazar aýdardy. Ol semınarǵa qatysýshylarǵa memlekettik qyzmettiń gıbrıdti modeli negizinde «adamǵa baǵdarlanǵan» jáne servıstik memlekettik apparatty qurýǵa baǵyttalǵan Qazaqstandaǵy memlekettik qyzmetti jetildirý sharalary týraly aıtty. Sondaı-aq Prezıdenttik jastar kadr rezervi jáne ózge de jastarǵa arnalǵan áleýmettik lıftter qurý, memlekettik qyzmetke joǵary oqý ornynyń úzdik túlekterin konkýrssyz taǵaıyndaý, jeke sektordan tájirıbeli mamandardy tartý syndy memlekettik apparattyń kadrlyq áleýetin arttyrýǵa baǵyttalǵan jobalar jaıly baıandady. Kadrlyq bıznes-protsesterdi tolyq avtomattandyrýdy jáne memlekettik qyzmetke qabyldaý rásimderin tsıfrlandyrýdy kózdeıtin «e-Qyzmet» júıesin jańǵyrtý sharalarymen onyń múmkindikteri týraly da habardar etti.
Kezdesýge qatysýshylar memlekettik qyzmetti damytýdyń ózekti máseleleri boıynsha tájirıbe almasyp, adam resýrstaryn basqarýdyń ozyq tásilderi, ádisteri men úrdisteri týraly mundaı semınarlardyń oń áserin atap ótti. Semınar aıasynda memlekettik qyzmet salasyndaǵy ýákiletti organdardyń Astana memlekettik qyzmet habynyń rezıdent-elderiniń memlekettik basqarý komıtetiniń ókilderimen ekijaqty kezdesýler ótedi dep josparlanýda.
Basqosýdan soń «XXI ǵasyrdaǵy merıtokratııa negizinde memlekettik qyzmettiń adam resýrstaryn basqarý» halyqaralyq semınar aıasynda Memlekettik qyzmet isteri agenttiginiń tóraǵasy Darhan Jazyqbaı BUU Bas hatshysynyń orynbasary, Halyqaralyq azamattyq qyzmet jónindegi komıssııanyń tóraǵasy Larbı Djaktamen kezdesti. Ekijaqty basqosý barysynda MQІA tóraǵasy Memleket basshysymen memlekettik qyzmetti túbegeıli jańǵyrtý máselesi el damýynyń jańa kezeńindegi basym baǵyt retinde aıqyndalǵanyn aıtyp, basty maqsat – ashyq, klıentke baǵdarlanǵan, servıstik memlekettik apparatty qalyptastyrý ekenin atap ótti.
Darhan Jazyqbaı bul baǵytta memlekettik apparat qyzmetin bıýrokratııadan aryltý, memlekettik qyzmetke kirý kezinde artyq kedergilerdi joıý jáne «shyǵý» tártibin jeńildetý, memlekettik sektorǵa personaldy irikteý jáne basqarý protsesterin tsıfrlandyrý, kadrlyq áleýetti arttyrý jáne talanttardy tartý boıynsha iske asyrylyp jatqan sharalar jaıly habarlady. Ol Prezıdenttik jastar kadr rezervine aǵymdaǵy irikteý týraly aıtyp, jobanyń jańa basqarý mádenıetin qalyptastyrýdaǵy mańyzdy rólin atap ótti.
Larbı Djakta memlekettik qyzmetti jańǵyrtý boıynsha Qazaqstannyń tájirıbesin oń baǵalap, memlekettik qyzmet úshin talanttardy belsendi izdeýdiń jáne merıtokratııa qaǵıdattaryn saqtaýdyń perspektıvalaryna toqtaldy.
Taraptar sondaı-aq adam resýrstaryn basqarý salasyn damytýdyń álemdik trendterin jáne memlekettik qyzmetti jetildirýdiń ózekti máseleleri boıynsha birlesken bastamalardy iske asyrý úshin kúsh-jigerdi nyǵaıtý mańyzdylyǵyn talqylady.