Nıý-Iork merine aıyp taǵyldy

<p>ASTANA.KAZINFORM — Bir aıǵa sozylǵan federaldy tergeýden keıin Nıý-Iork meri Erık Adamsqa qatysty qylmystyq is qozǵaldy, dep jazady <a href="https://www.cnn.com/2024/09/25/us/new-york-city-mayor-eric-adams-indicted/index.html" target="_blank" rel="noopener">CNN.</a></p>

Manhettendegi AQSh prokýratýrasy onyń túrik sheneýnikteri men kásipkerlerimen baılanysyn, sondaı-aq saılaý naýqanynda alǵan jarnasyn muqııat tekserdi.

Saıasatkerge taǵylǵan aıyptar ázirge aıtylmaı otyr. 

Buryn Erık Adams kez kelgen zańbuzýshylyqty joqqa shyǵaryp, naýqanyna qatysqan adamdar men ákimshiliginiń múshelerin zańdy saqtaýǵa shaqyrǵanyn jıi aıtatyn.

— Men árqashan Nıý-ıork halqy úshin óz ustanymymdy jaqtaıtyn bolsam, nysanaǵa aınalatynymdy biletinmin jáne nysanaǵa aınaldym da. Maǵan kiná taǵatyn bolsa,  ózimdi aqtap alý úshin bar kúshimdi salamyn, óıtkeni meniń esh kinám joq, — dedi Erık Adams.

Ózi týraly aıyptaý qorytyndysy jarııa bolǵan kezde Adams merdiń resmı rezıdentsııasy Greısı saraıynda bolatyn. 

Bul aıyptaý Amerıkanyń eń iri qalasy meriniń bedeline teris áser etti, óıtkeni onyń laýazymy eldegi eń yqpaldylardyń biri sanalady.

Federaldy aıyp onyń qyzmetinde qalatyn-qalmaıtynyn sheshedi jáne aldaǵy saıası mansabyna qaýip tóndiredi.

Burynǵy polıtsııa kapıtany Erık Adams bul qyzmetke 2022 jyly qańtarda taǵaıyndalǵan.