Nysanaly damý transfertteri bıologııalyq qaýipsizdik obektilerin salýǵa jumsalýy múmkin

ASTANA. QazAqparat – Nysanaly damý transfertteri oqýshylar saraıy men bıologııalyq qaýipsizdik obektilerin salýǵa jumsalmaq. Bul týraly «Ashyq» NQA portalynda QR Qarjy mınıstriniń sáıkes buıryǵynda jazylǵan, dep habarlaıdy QazAqparat tilshisi.

«Nysanaly damý transfertteri patogendigi 1, 2, 3, 4-toptaǵy patogendik bıologııalyq agenttermen jumys isteýdi júzege asyratyn bıologııalyq qaýipsizdik ınfraqurylymy obektilerin salýǵa bólinedi. Sonymen qatar, 500-600 oryndyq oqýshylar saraılary, 150 oryndyq balalar óner mektepterin salý, rekonstrýktsııalaý, keńeıtý jáne jańǵyrtýǵa arnalǵan shyǵystar qarjylandyrylady», - delingen jańa redaktsııada.

Aıta keteıik, qoldanystaǵy zań talaby boıynsha bıologııalyq qaýipsizdik obektileri men oqýshylar saraıyn salý úshin nysanaly damý transfertteri bólinbeıdi. Jańa ózgeriske baılanysty endi transfertter atalǵan baǵyttaǵy jumystarǵa baǵyttalmaq.

QR Qarjy mınıstriniń buıryq jobasy 13 sáýirge deıin ashyq talqylaýda bolady.

Qosa ketsek, byltyr Prezıdent ulttyq qordan 2023-2025 jyldarǵa bólinetin transfert týraly zańǵa qol qoıdy.

Sonymen qosa, bıyl Ulttyq qordan 2,2 trln teńge kepildendirilgen transfert alynady.