Nyǵmatýlın: Májilismender EAEO aıasynda aýyl sharýashylyǵy salasyndaǵy kelisimdi qaraıdy

NUR-SULTAN. QazAqparat - Búgin Májilis spıkeri Nurlan Nyǵmatýlınniń tóraǵalyǵymen Palata bıýrosy ótip, onda aldaǵy jalpy otyrystyń kún tártibi naqtylandy, dep habarlaıdy QazAqparat tómengi palatanyń baspasóz qyzmetine silteme jasap.

Bıýro otyrysynda depýtattar qaraýyna birqatar ratıfıkatsııalyq zań jobalary usynyldy. Atap aıtqanda, TMD qatysýshy memleketterdiń avtokólik quraldaryn jymqyrýǵa qarsy kúrestegi jáne olardy qaıtarýdy qamtamasyz etýdegi yntymaqtastyǵy týraly kelisimge ózgerister engizý týraly hattama.

Sonymen qatar, kún tártibiniń jobasynda Qazaqstan men Mońǵolııa arasyndaǵy azamattyq jáne qylmystyq ister jónindegi ózara kómek týraly shartqa ózgerister engizý týraly hattamany ratıfıkatsııalaý týraly zań jobasy bar.

Aldaǵy jalpy otyrysta depýtattar EAEO sheńberinde aýyl sharýashylyǵy janýarlarymen selektsııalyq-asyl tuqymdyq jumys júrgizýdi birizdendirýge baǵyttalǵan sharalar týraly kelisimdi ratıfıkatsııalaý týraly zań jobasy qaraıtyn bolady.

Sondaı-aq, Bıýroda VII saılanǵan Qazaqstan Respýblıkasy Parlamenti Májilisiniń ókilettikterin iske asyrýdyń I sessııaǵa arnalǵan negizgi is-sharalar jospary týraly másele usynyldy.