Nyǵmatýlın aýyldardy ınternetpen qamtý týrasynda: 2022 jyly nátıje kútemiz

NUR-SULTAN. QazAqparat – Búgin Parlament Májilistiń jalpy otyrysynda elimizdegi aýyldardy ınternetpen tolyq qamtý máselesi kóterildi, dep habarlaıdy QazAqparat tilshisi.

«Qashan keń jolaqty qoljetimdi ınternet bolady? Osy suraq neden týyndady desek, jyl saıyn sizdiń aldyńyzda bolǵan mınıstrler de Parlamentke kelip, bir jylǵa nemese eki jylǵa shegerip keldi. Osyǵan deıin 2020 jyly birinshi ýáde boldy. Siz endi 2022 jyl dep aıtyp otyrsyz. Osy ýádelerińizden qashan nátıje bolady?!», - dedi Májilis tóraǵasy Nurlan Nyǵmatýlın QR Tsıfrlyq damý, ınnovatsııalar jəne aeroǵarysh ónerkəsibi mınıstri Baǵdat Mýsınge qarata aıtqan sózinde.

Óz kezeginde mınıstr 2020 jyldyń sońyna deıin qurǵan jospardyń ishinde tehnıkalyq jaǵdaılarǵa saı 510 eldi mekende sapasy tómen ınternet berilgenin, alaıda 2022 jyldyń sońyna deıin bul jerlerde ınternet sapasy joǵarylaıtynyn aıtty.

Bul turǵyda Májilis tóraǵasy jaýapty vedomstvodan kelesi jyly barlyq jospardyń oryndalýyn surady.

«Jas mınıstrsiz, qyzmetke kiriskenińizge kóp bolmady. Jalpy salada atqarylatyn jumystardan laıyqty nátıje shyǵarsańyz. Elden, halyqtan uıat emes pe?! Burynǵy mınıstrler bes ret ýáde bergen, belgilengen merzimdi 5 márte jyljytty. Búgin 2022 jylǵy merzimdi aıtyp otyrsyz. 2012 jyldan bastap eseptesek, 100 paıyz ǵalamtormen qamtý josparyna kelesi jyly 10 jyl bolady eken. Sondyqtan 2022 jyly nátıje kútemiz. Bizden qandaı kómek kerek, zańnama boıynsha qoldaýǵa daıynbyz», - dedi N. Nyǵmatýlın.