Nyǵmatýlın: «Astyq týraly» zań jobasy azyq-túlik qaýipsizdigin qamtamasyz etýge baǵyttalǵan

NUR-SULTAN. QazAqparat - Májilis Spıkeri Nurlan Nyǵmatýlınniń tóraǵalyǵymen Palatanyń jalpy otyrysy ótti. Onda depýtattardyń bastamasymen ázirlengen «Astyq týraly» zań jobasy maquldandy, dep habarlaıdy QazAqparat Májilistiń baspasóz qyzmetine silteme jasap.

Nurlan Nyǵmatýlın osy zań jobasynyń mańyzdylyǵyn alǵa tarta kele:

«Sońǵy kezde pandemııaǵa baılanysty kóptegen memleketter shekteý rejımderin engizdi. Saýda-ekonomıkalyq baılanystar azaıdy. Bul jaǵdaı, árıne, azyq-túlik máselesine de áser etedi. Al, astyq máselesi – ol birinshi kezektegi áleýmettik suraq. Sondyqtan, osy Zań jobasynda qaralǵan astyq qorlaryn saqtaýdy memlekettik qamtamasyz etý, osy saladaǵy operatordyń mártebesin anyqtaý týraly normalar óte mańyzdy, búgin óte kerek nárse», - dedi.

Depýtattardyń bastamasymen ázirlengen zań jobasy tabıǵı jáne tehnogendik sıpattaǵy tótenshe jaǵdaılar týyndaǵan, tótenshe jaǵdaı engizilgen kezde eldi azyq-túlik astyǵymen kepildi túrde qamtamasyz etý, sondaı-aq «Azyq-túlik kelisimshart korporatsııasy» ulttyq kompanııasy» aktsıonerlik qoǵamynyń mártebesi men rólin zańnamalyq turǵydan aıqyndaý maqsatynda ázirledi.